VOV4.Sêdang - A Hà Nội, pôa Nguyễn Xuân Phúc, Ngế pro xiâm hnê ngăn tơnêi têa veăng leh tơbâ 60 hơnăm mơjiâng [a\ phiu ro châ tơdah Mê dái pêi cheăng ối má môi dêi Khu xiâm pơkuâ ngăn cheăng khoa hok [a\ Kơmăi kơmok. Xông tơpui a roh leh, Ngế pro xiâm hnê ngăn tơnêi têa tối: hluâ 60 hơnăm mơjiâng [a\ mơnhông mơdêk, Khu xiâm pơkuâ khoa hok [a\ Kơmăi kơmok đi đo pêi tro hnoăng cheăng tơbleăng ăm Đảng, Tơnêi têa tung tơdroăng tơbleăng [a\ tơku\m po pêi pro mâu troăng hơlâ to\ng kum, troăng hơlâ luât, thăm mơnhông hnoăng cheăng khoa hok kơmăi kơmok.

Ngế pro xiâm hnê ngăn tơnêi têa tối nhên, Việt Nam dế kal khât tung tơdroăng mơnhông mơdêk, kal mơnhên khoa hok kơmăi kơmok [a\ hơ’leh nếo rơkê cho xiâm kối thăm mơnhông krá tơniăn dêi tơnêi têa, cho khu ki mơjiâng pro kế tơmeăm, cho ki xiâm vâ mơnhông cheăng kâ rêh ối pơlê pơla.

Tối nhên thế pêi tro tâ nếo tơdroăng ki tơru\m pơla Tơnêi têa [a\ rêh ối pơlê pơla tung mơnhông cheăng khoa hok kơmăi kơmok, Ngế pro xiâm hnê ngăn tơnêi têa pơkâ thế kal pêi pro tơdâng tơ’mô mâu troăng mơhnhôk tơdroăng ki hâk vâ hriăn ple\ng, troăng pêi rơkê, lo pêi ó rơdêi vâ thăm mơnhông cheăng khoa hok kơmăi kơmok.

A Sa Ly tơplôu [a\ tơbleăng