VOV4.Sêdang - Kơxê hnah, lơ 3 khế 11, a pơlê kong xiâm Hà Nội, pôa Nguyễn Xuân Phúc, Ngế pro xiâm pho\ hnê ngăn pơkuâ xiâm hâi pôu, pêi cheăng [ă Khu pơkuâ ngăn Hngêi ‘măn poăng pôa Hồ Chí Minh ‘na ki châ tơ-[rê tung hnoăng cheăng veăng ‘mâi rơnêu Hngêi ‘măn poăng pôa Hồ Chí Minh hơnăm 2015. Xông tơpui a chôu phut pêi cheăng mê, pôa Nguyễn Xuân Phúc hâk kơde#n [ă mơnê hnoăng cheăng dêi kăn [o#, mâu ngế cheăng, mâu lêng ki gak ngăn Hngêi ‘măn poăng Pôa Hồ tung hnoăng cheăng ki ‘mâu rơnêu Hngêi ‘măn poăng Pôa Hồ Chí Minh tung plâ hơnăm 2015. Ngế pro xiâm pho\ hnê ngăn pơkâ thế, khu pơkuâ ngăn Hngêi ‘măn poăng Pôa Hồ kal athế pơtối pêi pro i kêi hnoăng cheăng dêi tơdroăng pơkâ ‘’Rak vế ton la ngiâ, kring vế tơniăn păng ‘nâng châ chăn Pôa Hồ Chí Minh tung rơxông nếo’’, mơjiâng thăm mâu tơmeăm khoăng ki ối tâ tá tung kơpong hngêi ‘măn poăng Pôa Hồ, Plông kân Ba Đình; rak vế tơniăn tơdroăng pơkâ athế hbrâ tơnáo đi đo vâ tơplâ mơdât lơ ai tơdroăng xía vâ; tơru\m cheăng [ă Khu kăn xiâm pơkuâ ngăn Ko\ng an [ă pơlê kong kân Hà Nội gak kring tơniăn ăm kơpong Hngêi ‘măn Poăng Pôa, Hngêi Kuo#k ho#i, plông kân Ba Đình [ă mâu thôt tơbâ inâi mâu ngế lêng mố đo#i ki khên tơnôu hiăng hlâ. Pak^ng mê nếo, Khu pơkuâ ngăn Hngêi ‘măn poăng Pôa kal hriăn ple\ng, pơkâ thế ‘na hnoăng cheăng vâ pêi pro, hâi khế hơnăm ki ‘mâi rơnêu tung hơnăm 2016 vâ veăng kum tơ’lêi hlâu má môi ăm vâi krâ-nho\ng o lăm pôu ngăn Pôa Hồ.

Nhat Lisa tơplôu [a\ tơbleăng