VOV4.Sêdang - Kơxo lơ 16/9, pôa Vương Đình Huệ, Ngế pro xiâm hnê ngăn tơnêi têa ai rôh pêi cheăng [ă mâu kăn xiâm kong pơlê Gia Lai ‘na tơdroăng mơnhông cheăng kâ rêh ối pơlê pơla. 8 khế hiăng luâ, tơdroăng cheăng kâ rêh ối pơlê pơla kong pơlê Gia Lai pơtối hơ’lêh, ‘na cheăng lêng, kring vế tơniăn, xo liăn ngân châ 3.000 rơtal liăn, châ 67% tiô tối hdrối dêi tíu xiâm.

Ngế pro xiâm pho\ hnê ngăn tơnêi têa pêi cheăng a kong pơlê Gia Lai 

Lâp tung kong pơlê nôkố ai 60 to cheăm mơnhên tối cho thôn pơlê nếo. Kong pơlê hiăng pro klêi hồ sơ pâ Khu xiâm ngăn ‘na chiâk deăng [ă mơnhông mơdêk thôn pơlê séa ngăn, pơtroh ăm Ngế pro xiâm hnê ngăn tơnêi têa, Chin phuh mơnhên cho pơlê kong kơdrâm Plei Ku, pơlê kong krâm An Khê pê klêi hnoăng cheăng pơcháu mơjiâng thôn pơlê nếo.

Mơ’nui hâi pêi cheăng Ngế pro xiâm hnê ngăn tơnêi têa tơmâng tí tăng vâ ‘nâi nhên tơdroăng tơkêa bro kâng rơchôa Ia Mơr, ‘no troh 3.000 rơtal liăn la nôkố hâi ai tơnêi ki vâ tôh la ôh tá tơ tơtro. {ă tơdroăng ki xahpá, tơvâ tơvân tung hơ’lêh 7.500 ha tơnêi kong chiâng tơnêi pêi chiâk tung kơpong tơdroăng tơkêa kâng pro rơchôa, tâng kal Chin phuh thế hôp tơpui tơno pơkâ troăng hơlâ vâ pêi, pơkâ luât ki tơtro.

Gương tơplôu [ă tơbleăng