VOV4.Sêdang -  Ƀơrô cheăng Chin phuh nếo ai hlá mơéa hnê tối tơdroăng ki pơkâ thế dêi Ngế pro xiâm phŏ hnê ngăn Chin phuh, kăn hnê mơhno cheăng Tơnêi têa ‘na hbrâ mơdât pơreăng COVID-19 ‘na mâu tơdroăng ki kal tơtrŏng tung pêi pro hbrâ mơdât pơreăng COVID-19. Tiah mê, Khu xiâm ngăn pơkeăng ƀă khăm pơlât, mâu khu râ kơvâ cheăng, kong pơlê rĕng séa ngăn mâu hlá mơéa pơkâ thế, hnê mơhno tơdroăng cheăng vâ rĕng ‘nâi tơdrêng, tơtro ƀă tơdroăng ki ôh tá tơniăn dêi pơreăng; séa ngăn pơreăng ƀă hlá mơéa hbrâ mơdât pơreăng, hnê mơhno mâu kong pơlê mơjiâng pro mâu hlá mơéa; rĕng tơbleăng, tăng ‘nâi mâu inâi kế tơmeăm, trếo pơkeăng, pơkeăng xúa ki kal kum hbrâ mơdât pơreăng vâ mâu kong pơlê hbrâ rơnáu roê mâu kế tơmeăm tiô pơkâ “4 tơdrêng”; Hnê mơhno khu tơrŭm séa ngăn vaccine tro pơkâ, rĕng; hnê mơhno tŏng kum chêh pro mâu hlá mơéa mâu khu tơrŭm, khu mơdró kâ roê lơ xo vaccine tŏng kum. Mơdêk hnoăng cheăng tối tơbleăng, um tơvi rak tơniăn tơbleăng tơdrăng pro tơdâng tơ’mô, khŏm mơeăm hbrâ mơdât pơreăng tung lâp pơlê pơla.

Nga tơplôu ƀă tơbleăng