Tơdroăng hriâm môn lịch sử ‘na xiâm rêi dêi kuăn mơngế dêi lâm 6B, Hngêi trung râ má péa Hoàng Văn Thụ, cheăm }ư\ Amung, tơring Ea Hleo, kong pơlê Dak Lak hiăng chiâng tơdroăng ki hâk vâ ‘nâng, ro khât xua hok tro ti xê bu châ ngăn to mâu kế tơmeăm mê ối châ pêi, châ râng mâu tơmeăm dêi vâi krâ roh nah hiăng mơjiâng, hiăng xúa. Ngăn nhên, râng, pêi a tơrêm mâu to mâu chông, tơmong a kơbong ‘măn kế tơmeăm dêi hngêi trung, o Nguyễn Thị Tường Vi tối ăm ‘nâi, mâu kế tơmeăm, mâu khoăng ki châ hlo [ă mâ kố kum o hriâm thăm rế rơkê tâ [ă hâk vâ mơhriâm môn lịch sử.

‘’Ngin hâk vâ ‘nâng hriâm môn lịch sử dêi hngêi trung. Xua akố ngin hiăng châ hlo [ă châ pêi, châ râng mâu tơmeăm ki hdrối nah vâi krâ hiăng hmâ xúa. Á mơnê thái Hoàng [ă mâu vâi ngoh nâ lâm hdrối hiăng ‘no dêi hnoăng lăm tí tăng xo mâu kế tơmeăm khoăng vâi krâ roh nah kố, vâ ngin o ‘nâi ple\ng thăm ‘na tơdroăng rêh ối, pêi cheăng dêi mơngế Xuăn chal vâi krâ nah’’.

Thái Lê Văn Hòang dế rơtế [ă hok tro ‘măn mâu kế khoăng ki nếo châ xo

Mâu kế tơmeăm ki nếo tối mê âi cho ki xiâm ki thái Lê Văn Hoàng, mơngế thái hnê môn lịch sử dêi hngêi trung hiăng lăm tăng tung plâ 10 hơnăm hiăng luâ. {ă hiâm mơno hâk vâ git khât tơmeăm khoăng [ă pói rơhêng vâ châ hnê tơdroăng ki tơná hâk git mê ăm kơ hok tro, klêi kơ’nâi 10 hơnăm tí tăng lăm xo, ‘măn rak, troh nôkố, thái Lê Văn Hoàng hiăng châ rak lối 600 to kế tơmeăm ki kơnâ, tơxâng vâ hriăn ple\ng ngăn, môi tiah: Chông, tơmong, têa, hmốu kơl^ng, drâi ki vâ mơdiê phái, pôm, mâu tơmeăm ki ê ki pro [ă hmốu, tơnêi hneăn, cho mâu tơmeăm [ă kế khoăng xúa tung chal roh vâi krâ hmâ xúa hmốu vâ pro chiâng mâu tơmeăm pêi cheăng roh nah, tung pơla mê nah xuân cho chal ki pơxiâm vâ ‘nâi xúa kế tơmeăm ki pro [ă meăm, ai kơtăn kố dâng 3000 troh 4000 hơnăm.

Tối ‘na mâu kế tơmeăm ki mê, pôa Trần Quang Năm, kăn [ơrô hriăn ple\ng [ă tí tăng xo kế tơmeăm, cheăng tung Hngêi ‘măn rak kế tơmeăm dêi kong pơlê Dak Lak tối ăm ‘nâi ‘’Kế ki vâ mơjiâng pro mâu tơmeăm mê cho hên túa, la ki hên tâ cho mâu túa hmốu ki kơnâ môi tiah Opal, Silic [ă ki ê hía, [ă ki hên cho mâu tơmeăm khoăng ki hiăng châ kơl^ng pro le\m pro mơjế pá kâi tối.

Ki kơnía dêi mâu kế tơmeăm mê ôh tá xê ga iâ lơ hên, mê cho hên túa, hên um méa pơrá pro [ă hmốu ki kơtô. Kố cho môi tung mâu kế tơmeăm ki kal păng ‘nâng vâ khu ngế ki hriăn tí tăng ‘nâi hlê, ‘nâi ple\ng tơmeăm khoăng dêi mơngế a chal vâi krâ roh ton nah a kơpong tơnêi }ư\ Amung kố.

Cô Hòang Thị Tuyết-Kăn pơkuâ ngăn Hngêi trung râ má péa Hòang Văn Thụ, ối a cheăm }ư\ Amung tối ăm ‘nâi: Xua ing tơdroăng ki hnê hriâm ối trâm hên pá puât, malối [ă môi to hngêi trung ki nếo mơjiâng a kơpong hơngế hơngo môi tiah }ư\ Amung kố, mê tơdroăng ki vâ tí tăng tơ’nôm mâu tơmeăm khoăng chal vâi krâ roh nah vâ xúa tung hnê hriâm cho tơdroăng ki kal păng ‘nâng.

{ă hiâm mơno ki hriăn ple\ng ‘na tơmeăm khoăng roh nah, mơ’no hên dêi hnoăng cheăng ing thái Hoàng hiăng veăng kum tơniăn tro ăm tơdroăng vâ hnê môn lịch sử, kum mâu vâi o hok tro hlê ple\ng hlối a lâm hriâm, mơhnhôk mâu vâi o thăm rế hâk git ‘na tơdroăng ki tí tăng ‘nâi ple\ng ‘na tơmeăm khoăng chal vâi krâ nah.

‘’Thái Hòang cho môi ngế ki ai hiâm mơno hlê ple\ng [ă ivá hriăn ple\ng hên ‘na tơdroăng kố. Thái đi đo tí tăng hlê ple\ng vâ xúa mâu túa ki hnê hriâm ki nếo vâ kum ăm hok tro tơ’lêi châ hlê ple\ng [ai.

Tung pơla hnê tối, thái Hòang hiăng tí tăng ngăn, tí tăng rah mâu tơmeăm kơnía vâi krâ nah a }ư\ Amung [ă hnối xo mâu tơmeăm mê vâ hnê tung mâu môn hriâm tung lâm, to\ng kum ăm mâu vâi o hok tro thăm rế kơhnâ khât tung tơdroăng hriâm, hlê ple\ng nhên tâ ‘na mâu tơmeăm khoăng ki mê tung hriâm tâp’’.

Tá xê to rak vế to mâu kế tơmeăm khoăng ki hiăng châ tăng xo ‘măn a kơbong ‘măn hlá mơ-éa dêi hngêi trung vâ pro kế tơmeăm tung hnê hriâm, mê thái Lê Văn Hoàng ối bruô ăm Hngêi ‘măn rak kế tơmeăm Dak Lak lối 50 kế tơmeăm vâ mơđah, tơbleăng, kum ăm tơdroăng ki hriăn ple\ng.

Thái Hoàng tối ăm ‘nâi, kô pơtối tí tăng ‘nâi ple\ng, hriăn ple\ng, tí tăng tôm xo, tơdrêng amê hnối kơhnâ khât tung tơru\m cheăng [ă Hngêi ‘măn rak kế tơmeăm dêi Dak Lak lăm tăng, chiâ xo, rôu mơ’no, mơnhên ngăn tung mâu hâi la ngiâ.

Tây Nguyên cho kơpong tơnêi ki kro hên mâu tơmeăm khoăng kơnía git chal vâi krâ roh nah, ki pói rơhêng vâ dêi á, mê cho kơdo mơ-eăm tí tăng ‘nâi ple\ng [ă hnối tơru\m cheăng [ă mâu kơ koan ki hriăn ngăn tơdroăng cheăng vâ mơnhên tối ki kơnía git dêi mâu kế tơmeăm akố vâ ‘măn tung khu kế tơmeăm ki hriăn ple\ng cho kế khoăng chal vâi krâ nah }ư\ Amung chêh ‘mot tung hlá mơ-éa hriâm.

 Hnê [ă hriâm a cheăm ối kơpong hơngế hơngo môi tiah }ư\ Amung, tơring Ea Hleo, kong pơlê Dak Lak, tung tơdroăng ki ối trâm hên xơpá, tá hâi ai tu\m tơmeăm khoăng, la [ă hiâm mơno ki hriăn ple\ng ‘na tơmeăm khoăng chal krâ nah, thái Lê Văn Hoàng hiăng châ tăng xo hên kế tơmeăm ki kơnía git. Tơdroăng pêi pro mê hiăng thăm kum ăm hok tro thăm rế hâk git tâ drêng hriâm môn lịch sử, tơdrêng amê, hnối pơtroh tơ’nôm kế tơmeăm kơnía git ăm Hngêi ‘măn rak kế tơmeăm a kong pơlê Dak Lak vâ kum ăm tơdroăng hriăn ple\ng. Cheăng pêi dêi thái Lê Văn Hoàng cho tơxâng koh mơnê păng ‘nâng.

Hương Lý chêh

Nhat Lisa tơplôu [ă tơbleăng