VOV4.Sêdang -  Tiô rơkong krếo thế dêi Đăi tươ̆ng Phan Văn Giang, Ngế xiâm pơkuâ ngăn lêng Việt Nam, pôa Lloyd Austin, Ngế xiâm pơkuâ ngăn lêng Mih lăm pôu Việt Nam, jâ Lê Thị Thu Hằng tối, hneăng lăm pôu Việt Nam dêi Ngế xiâm pơkuâ ngăn lêng Mih pơtối veăng ‘no hnoăng mơdêk tơrŭm cheăng, loi nhoăm pơla kuăn pơlê ƀă mâu lêng péa tơnêi têa, tơbleăng mâu tơdroăng tơrŭm cheăng tung tung kơvâ cheăng lêng hiăng kĭ pơla Kăn xiâm pơkuâ ngăn lêng ƀă hlối tơhrâ dêi Kăn xiam péa tơnêi têa, veăng pêi tơniăn tŭm tơdroăng ki tơrŭm cheăng pơla Việt Nam - Mih.

Hdrối kơ pôa Lloyd Austin vâ troh a Việt Nam, Mih hiăng pơcháu klêi 3 rơtuh klŏng vaccine Moderna ăm Việt Nam ing luât pơkâ dêi COVAX. Pôa Lloyd Austin, 67 hơnăm, cho kăn tươ̆ng châ krâ 4 hơlŏng ai hnoăng cheăng pêi tơ-ƀrê tung tơdroăng cheăng lêng Mih. Pôa cho Kăn xiâm pơkuâ ngăn lêng kéa prăng ki apoăng tung rơxông mâu kăn ki pơkuâ kong têa Mih. Pôa châ rah xo pro kăn a hâi lơ 22/1/2021, bú tung 2 hâi klêi pôa Joe Biden châ pôk pro Kăn xiâm pơkuâ kong têa Mih.

Gương tơplôu ƀă tơbleăng