VOV4.Sêdang - Pêi pro tiô hnê mơhno dêi pôa Vương Đình Huệ, Ngế pro xiâm pho\ hnê ngăn tơnêi têa, [ă khu kăn xiâm ngăn ‘na chiâk deăng xua pôa Nguyễn Hoàng Hiệp, pơkuâ djâ pơtối tí tăng séa ngăn rơtế [ă mâu kong pơlê tăng troăng kơdroh ki xahpá, tơvâ tơvân tơdjâk troh rơchôa Ia Mơr, kong pơlê Gia Lai châ ‘no lối rơpâu rơtal liăn la hâi ai tơnêi tôh.

Tơdroăng tơkêa kâng rơchôa long têa Ia Mơr, pơla kong pơlê Gia Lai [ă Dak Lak châ ‘no liăn pêi pro sap ing hơnăm 2005 nah long rơchôa mê lối 3.600ha. Xiâm hngêi kơmăi ki hrik têa toh báu loăng plâi ăm kong pơlê Gia Lai ai lối 10 rơpâu ha, [ă kong pơlê Dak Lak dâng 4 rơpâu ha.

Mâu kăn tung khu xiâm ngăn ‘na chiâk deăng

Long  têa Ia Mơr

Tiô pôa Nguyễn Hoàng Hiệp, Tơdroăng tơkêa pro rơchôa long têa Ia Mơr ai 3 tơdroăng pơkâ ki xiâm, mê cho: kring tơniăn tíu tơkăng kong, djâ kuăn pơlê ăm ối a pơlê nếo [ă cho kâng kơdoăng têa hên dêi Tây Nguyên, vâ tôh ăm dâng 14 rơpâu ha.  Ki xiâm gá tơdroăng tơkêa bro pơtối rak ki tơ-[rê dêi kơpong tơkăng kong Gia Lai [ă Dak Lak.

La tung pơla pêi pro a Gia Lai trâm hên tơdroăng tơvâ tơvân tung hơ’lêh tơnêi kong [ă vâ chê 8 rơpâu ha. Klêi tí tăng ngăn tơdrêng, Ngế pro xiâm hnê ngăn tơnêi têa tối mâu tơdroăng cheăng kal pêi tơdrêng vâ ví mơ’nhiê liăn ‘no [ă pơtối rak ki pơxúa.

Gương tơplôu [a\ tơbleăng