VOV4.Sêdang - Pơreăng tơngê lo mơheăm dế tâ tú hên a 4 kơpong dêi 5 to kong pơlê kơpong Tây Nguyên cho Daklak, Daknông, Kontum [ă Gialai. Tung mê, a Kontum, Gialai [ă Daklak pơrá hiăng ai ngế ki hlâ xua tâ pơreăng kố. Tung tơdroăng ki vâ tơpui mơ’no hâi kố, ngế chêh hlá tơbeăng cheăng tung Rơ’jiu Việt Nam a Tây Nguyên ai kơ-êng [ok thái pơkeăng Phạm Văn Lào, kăn pơkuâ Tíu xiâm ngăn pơkeăng hbrâ mơdât pơreăng kong pơlê Daklak ‘na kơlo ki tơngê lo mơheăm a kong pơlê [ă mâu tơdroăng ki pơkâ mơ’no ‘na hbrâ mơdât, pơreăng tơngê lo mơheăm.

            Êng: Ô [ok thái pơkeăng Phạm Văn Lào, Kăn pơkuâ Tíu xiâm ngăn pơkeăng [a\ khăm pơlât kong pơlê Daklak, pơrea\ng tơngê lo mơheăm dế xông tâ tú môi tiah lâi dế pơla kố?

            {ok thái pơkeăng Phạm Văn Lào: Troh nôkố kơxo# mơngế tơngê lo mơheăm a kong pơlê Daklak tâk dâng 4 xôh tâng pơchông [a\ roh kố dêi hơnăm nah, [a\ kơxo# mơngế tro tâ pơrea\ng ai 1.268, mâu ngế tro tâ pơrea\ng ki hên cho a mâu tơring, pơlê krâm, pơlê kong kơdrâm. Laga tơku\m hên má môi cho a pơlê kong kơdrâm {uôn Ma Thuột, tơring Ea Hleo, ki ‘nâ a {uôn Đôn [a\ }ư Mgar. Tâng ôh tá ai túa hbrâ mơdât, mê tơngê lo mơheăm a Daklak [a\ Tây Nguyên kô xông tâ tú ó rơdâ.

            Êng: A {uôn Ma Thuột [a\ Ea Hleo cho péa tíu ai kơxo# mơngế tro tâ pơrea\ng tơngê lo mơheăm hên má môi a Daklak, pâ [ok thái pơkeăng tối nhên xua tiah lâi chiâng hên ngế tro tâ pơrea\ng? Tiah hmâ hlo, tri trôu a kơpong hơngế hơngo ga ai hên, la ga tơngê lo mơheăm cho xua tri trôu pâk. Ti mê, péa tíu ki ai tơdroăng rêh ối chía krúa kố pơtối ai hên ngế tro tâ pơrea\ng tơngê lo mơheăm hên tâ tíu ki ê?

            {ok thái pơkeăng Phạm Văn Lào: A mâu kơpong cheăng kâ mơnhông tơtêk, mê kuăn pơlê ối tơngôu, hmâ ‘măn kế tơmeăm khoăng ki dâ têa pá gong, tri trôu châ kơtâ tung mê. {a\ pin pôi tá tơmiât, a kơpong hơngế hơngo ki ai tri trôu hên. Rế ối a kơpong tơdroăng rêh ối châ mơnhông tơtêk, hngêi meăn xi mong hên, tơdroăng rêh ối niân tâ, mê tri trôu kô hên tâ. A pơtih, nôkố a kong têa Singapore cho tíu ki ai hên ngế tơngê lo mơheăm.

            Êng: Laga hên vâi krâ nho\ng o a kơpong Tây Nguyên tối, tíu kân rơdâ, kuăn pơlê rêh ối tơprâ tơpru\ng, mơhé mơgrúa hngêi krúa, laga tung kơdrum, tung chiâk deăng, cho tíu vâ tri trôu kơtâ, xua mê, hmâ vâ mơgrúa ôh tá kâi tâi. {ok thái pơkeăng tơmiât tiah lâi ‘na tơdroăng mê?

            {ok thái pơkeăng Phạm Văn Lào: Vâi krâ nho\ng o hlê ple\ng môi tiah mê tá hâi tơtro. Tri trôu kố gá vâ tung hngêi. A vâ pơchân tối tơdroăng kố, vâ vâi krâ nho\ng o hlê ple\ng tri trôu kố cho tri trôu ki ối tung hngêi. Má péa nếo, gá kơtâ tung têa ki krúa. Ngin hiăng hriăn ple\ng [a\ ăm hlo tung mâu kơ’lo tâ reăng dêi rêm rơpo\ng ai tâ reăng, loăng ki ối drêh, mê ai 70% ai kiâ ngu nge\ng ki chiâng tri trôu pâk, chiâng tơngê lo mơheăm; lơ kế tơmeăm khoăng ki kơdoăng têa a kơdâm kơtuh hngiú. Kố cho tíu ki tri trôu kơtâ, ôh tá xê to tung kong, a chiâk deăng. Xua mê, pin hmiân tuăn, tâng pin mơgrúa kong prâi tâ tá hngêi [a\ mâu rơpo\ng ki tâ tá pin, mê mơni pin kô kơdroh tri trôu ki pâk chiâng tơngê lo mơheăm.

            Êng: Nôkố {uôn Ma Thuột ai hên ngế tro tâ pơrea\ng tơngê lo mơheăm, laga kơ koan ngăn pơkeăng [a\ khăm pơlât nếo xôh pơkeăng kơdê tri trôu ăm 700 rơpo\ng a cheăm Hòa Thuận. Pâ kơ-êng [ok thái pơkeăng, drêng kuăn pơlê hlo tung hngêi dêi tơná ai hên tri trôu, mê roê pơkeăng á tíu ki lâi vâ xôh kơdê tri trôu lơ vâ kơnôm kơ koan ngăn pơkeăng [a\ khăm pơlât hbrâ mơdât pơrea\ng, mê khe\n vâi a tíu ki lâi?

            {ok thái pơkeăng Phạm Văn Lào: Tơdroăng xôh pơkeăng kơdê tri trôu, mê ôh tá chiâng vâ xôh tâi tâng, xua tiah mê kô pro ‘mêi kong prâi. Má péa nếo, kô pro tri trôu chiâng kâi hbrâ mơdât pơrea\ng pro thăm rế rơ-iô. Drêng vâi krâ nho\ng o hlo ai hên tri trôu, ai hên ngế tơngê lo mơheăm mê tơbleăng ăm Tíu xiâm ngăn pơkeăng [a\ khăm pơlât tíu ki achê. Kơvâ ngăn pơkeăng [a\ khăm pơlât kô pơtroh kăn [o# tối ‘na tơdroăng a mê, ngăn hôm xê pơkeăng kơdê tri trôu lơ ôh. Tâng lơ tơtro kô xế pơkeăng, mê kô chiâng xế.

Êng: Môi tiah [ok thái pơkeăng hiăng tối sap ing apoăng,  tơngê lo mơheăm a kong pơlê Daklak xuân môi tiah a kơpong Tây Nguyên nôkố cho tô tuăn păng ‘nâng. Tiah mê, kơvâ ngăn pơkeăng [a\ khăm pơlât la ngiâ ai túa ki lâi, vâ mơdât pơrea\ng tơngê lo mơheăm?

            {ok thái pơkeăng Phạm Văn Lào: Môi tiah Kăn pho\ hnê ngăn Vi [an kong pơlê Daklak tối tung hneăng hôp ‘na tơdroăng hbrâ mơdât pơrea\ng tơngê lo mơheăm a khế 4 hơnăm kố: mê tâi tâng khu cheăng kal kí thế veăng nếo kâi vâ mơdât pơrea\ng tơngê lo mơheăm. {a\ mâu kơ koan ngăn pơkeăng [a\ khăm pơlât, mê ngin kô hnê mơhno ‘na kih thuât vâ xôh kơdê tri trôu. {a\ tơdroăng mơgrúa kong prâi, hbrâ mơdât tri trôu pâk, ki mê cho tơná kuăn pơlê. Kơvâ ngăn pơkeăng [a\ khăm pơlât, [a\ kơxo# mơngế pêi cheăng môi tiah nôkố ôh tá ai ivá vâ pêi tơdroăng ki mê.

Hôm, mơnê kô [ok thái pơkeăng.

A Sa Ly tơplôu [a\ tơbleăng