Sap ing khế 12 hơnăm 2018, Ko\ng ti on tơhrik Dak Lak hiăng mơjiâng klêi [ă xúa Hngêi kơmăi xiâm ki vâ pro mơdêk lơ pro dju ivá on tơhrik, la ôh tá eâ ai mơngế pêi cheăng a drô trăng kơxái on, lơ gak ngăn. Troh nôkố, 9 tung 10 tíu hngêi kơmăi mê hiăng xúa kơmăi vi t^nh tiê ing hơngế, cho xúa kơmăi vi t^nh vâ mơdêk lơ dju ivá on tơhrik.

Ing tíu xiâm ki pơkuâ ngăn vâ tiê mê, mâu ngế cheăng pơkuâ kơmăi drêng châ hlo ai tơdroăng ki ôh tá tơniăn, la vâi ôh ta eâ lăm troh achê, lơ lăm ngăn mâu kơmăi, trăng kơxái on tơhrik, xua ti mê, hngêi kơmăi ki vâ mơdêk lơ dju ivá ki châ pơkuâ ngăn mê châ tơniăn tâ, kơdroh tơdroăng xía vâ xúa on tơhrik, veăng kum mơhnhôk mơngế pêi cheăng, kế tơmeăm tung pơla pơkuâ, pêi on tơhrik, veăng kum pro pơxúa hên khât ăm kơvâ cheăng ki châ tơ-[rê dêi pơlê pơla [ă hên mâu tơdroăng ki ê.

Cho ngế ki xiâm pêi cheăng a tíu xiâm hngêi kơmăi on tơhrik ki vâ mơdêk, dju ivá on tơhrik, pôa Lê Viết Khánh, ngế cheăng tung {ơrô ki ngăn vâ ‘mâi mơdêk lơ dju ivá on tơhrik, ối tung Ko\ng ti on tơhrik Dak Lak tối ăm ‘nâi: Mâu ngế ki pêi cheăng tung hngêi kơmăi on tơhrik mê ôh tá eâ râng chêh hlá mơ-éa lơ chêh tối ‘na mâu tơdroăng ki vâ tối tơbleăng, kơdroh tơdroăng ki tí tăng chêh tối ‘na tơdroăng pơkuâ ngăn vâ mơdêk lơ dju ivá on tơhrik a kơmăi vi t^nh, rak vế tơniăn troăng hơlâ, cheăng khoa hok drêng mơnhên tối mâu kơxo# ki châ chêh xo ing mê, veăng kum tơdrêng hnoăng cheăng ki vâ ’mâi mơdêk lơ pro dju ivá on tơhrik.

‘’Tơdroăng ki tíu xiâm pơkuâ ngăn on tơhrik dêi Dak Lak hiăng xúa, mê tơdroăng ki séa ngăn [ă hnoăng pêi cheăng [ă kơmăi vi t^nh ga thăm rế tơniăn hên tâ xua cho tíu xiâm ki pơkuâ ngăn mê ga chiâng pêi pro tu\m tâi tâng mâu tơdroăng cheăng dêi hngêi kơmăi ki pro mơdêk lơ pro chu ivá on tơhrik, thăm nếo kô chiâng rak vế ing hơngế mâu hngêi kơmăi on tơhrik ki ai ivá 110kV dêi kong pơlê, tơdroăng ki ối hơngế, tơniăn ăm kơmăi xua ing tơdroăng ki tiê kơmăi cho ing tíu hơngế, ing tơdroăng mơ’no lơ tơpâ on tơhrik ing tíu hơngế kố ga kơdroh kơxo# mơngế pêi cheăng a mâu hngêi kơmăi ki vâ mơdêk lơ pro chu ivá on tơhrik ki ai ivá 110kV’’.

Tơdrêng [ă tơdroăng ki mơjiâng mâu hngêi kơmăi on tơhrik ki ôh tá eâ ai mơngế gak ngăn, pêi cheăng tung hngêi kơmăi ing hơngế mê, hên h^n mâu kơmăi ki dâi le\m hiăng châ Ko\ng ti on tơhrik Dak Lak mơ’no xúa, môi tiah: Xúa kơmăi kơmok ki re\ng châ ‘nâi drêng ai tơdroăng ôh tá tơniăn, lơ tơdroăng ki ‘mâi rơnêu kơmăi, troăng kơxái on tơhrik, kơmăi ki mơdêk lơ dju ivá on tơhrik pơrá pêi pro châ tơ-[rê khât dêi kơvâ on tơhrik. Ing mê, kring vế tơniăn troăng hơlâ tung pơkuâ ngăn [ă xúa on tơhrik [ă châ tơ-[rê khât tung hnoăng pơkuâ ngăn, pêi cheăng tung kơmăi on tơhrik [ă pro pơxúa khât ăm on tơhrik troh a kuăn pơlê.

Pôa Nguyễn Văn Hảo, Kăn [ơrô ‘mâi rơnêu on tơhrik, Ko\ng ti on tơhrik Dak Lak ai mơnhên tối tiah kố:

‘’Sap ing hơnăm 2016 nah troh nôkố, klêi kơ’nâi ai túa ki ‘mâi rơnêu tơdrêng kơxái on tơhrik 220kV, tơkéa vâ tối, mâu tơdroăng ki ‘mâi rơnêu hdrối mê hía nah athế tơpâ on tơdrăng a tơná kơmăi, lơ drăng trăng kơxái on, mê nếo chiâng tơpâ on tơhrik, la nôkố ngin hiăng ai môi khu pêi cheăng ôh tá eâ lo lăm tơpâ a drô trăng kơxái, bu pêi to [ă kơmăi vi t^nh ing hơngế, ing mê, châ kơdroh há tơdroăng ki tro tơpâ on lối ton, mơdêk tơdroăng ki vâ kum on tơhrik i tơniăn ăm kuăn pơlê’’.

Tiô pôa Tạ Minh, Kăn pho\ pơkuâ ăm ‘na kih thuât, Ko\ng ti on tơhrik Dak Lak, tơdroăng ki xúa kơmăi kơmok chal nếo tung pơkuâ ngăn [ă mơ’no on tơhrik châ ngăn cho troăng hơlâ pêi ki tơ-[rê khât ‘nâng tung rak vế ngăn tơniăn ăm troăng kơxái on tơhrik. Ko\ng ti dế hriăn ple\ng vâ xúa hmốu on ki kơtâu [ă hyôh tô dêi mâ hâi, xúa a mâu hngêi ki ‘măn kơmăi mơdêk, pro dju ivá on, hriăng ple\ng [ă xúa Flycam vâ séa ngăn troăng kơxái lơ ai troăng hơlâ vâ ’mâi rơnêu, tâp trăng, hnhâng troăng kơxái on tơhrik troh a troăng on 110kV ăm ivá on krâ kơvâ, ki chía ‘ro iâ ki kuăn pơlê dế xúa la ôh tá tro tơpâ on [ă hên mâu tơdroăng hlâu ki ê.

Tơdrêng amê, hnê mơjiâng mâu ngế ki hriăn rơkê ‘na ‘mâi rơnêu, ’mêng bro kơmăi; ‘na khu kơmăi ki vâ tiê ing hơngế tơku\m ăm ga tơtro [ă hên mâu tơdroăng ki ê.

‘’Kơvâ ngăn on tơhrik tối tơchuôm [ă Ko\ng ti on tơhrik Dak Lak tối krê tung la ngiâ kố ah ngin kô pơtối thăm mơdêk mâu tơdroăng cheăng ki xúa kơmăi kơmok ki ó tâ nếo vâ pơkuâ ngăn troăng kơxái on tơhrik vâ ga ai pơxúa, châ tơ-[rê hên tâ, thăm mơdêk hên tâ, xúa tơniăn hên tâ, loi tơngah khât ăm mâu kuăn pơlê’’.

Tơdroăng Ko\ng ti on tơhrik Dak Lak xúa mâu kơmăi kơmok, cheăng kơmăi ki nếo tung hnoăng pơkuâ ngăn, tiê kơmăi, rak vế tơniăn troăng kơxái on tơhrik, ti xê bu pêi tiô tơdroăng ki nếo dêi cheăng kơmăi hơ’leh 4.0 mê ối cho vâ veăng kum on tơhrik châ pơtối mơ’no on tơniăn, ăm tơdroăng pêi cheăng kâ, cheăng pơkuâ ngăn, rêh ối pơlê pơla, kring vế, gak ngăn tơniăn ăm kong pơlê.

Hương Lý chêh

Nhat Lisa tơplôu [ă tơbleăng