VOV4.Sêdang - Kong pơlê Dak Lak hiăng xúa hngêi pơkeăng pơtân kơxô̆ 1 pơlât ăm mâu ngế tâ COVID-19 ki hâi ‘nhó râ to lâi. Hngêi pơkeăng pơtân mê ai 3 râ cho a ký túc xă hngêi trung Cao đẳng  Sư phạm Dak Lak, tâi tâng ai 180 veăng ƀă 1 rơpâu to xoăng koi pơlât.

Hngêi pơkeăng pơtân kơxô̆ 2 châ pro a 3 to ký túc xá Hngêi trung Cao đẳng  Sư phạm Dak Lak

Ƀok thái pơkeăng Nguyễn Ngọc Thịnh, ngế pơkuâ Hngêi pơkeăng pơtân kơxô̆ 1 ăm ‘nâi, vâ hngêi pơkeăng pơtân mê rĕng châ pêi cheăng hlối veăng ai tŏng kum hên dêi kơvâ ngăn on tơhrrik Dak Lak:

“Tơdah xo ký túc xá ngin séa ngăn hlo ‘na on tơhrrik, têa akố hiăng tơ’nhiê hên ‘nâng. Ngin kơnôm tơrŭm dêi kŏng ti ngăn on tơhrrik Dak Lak djâ mâu kŏng nhân troh ‘mâi rơnêi pro; ƀă thế pơ’lêh mâu biê̆n áp vâ mơdêk ivá xúa on tơhrik ăm hngêi pơkeăng pơtân kố. Má péa nếo, kŏng ti xuân ăm ngin mung 1 toăng kơmăi vâ mơ’no on tơhrik ki hbrâ rơnáu xâu drêng kơdrâ tơpâ on tơhrik mê kô ai kơmăi ki vâ mơ’no on tơhrrik vâ xúa tung khăm pơlât pơla  mê’’.

Gương tơplôu ƀă tơbleăng