Rơtế [ă dêi pú veăng tung tour ôm hyô a môi tíu ki pêi chiâk deăng a bêng 7, pơlê kong kơdrâm Đà Lạt, kong pơlê Lâm Đồng, nâ Nguyễn Thị Lan Hương, tơmối lo ing kong pơlê Bình Thuận ai tối tiah kố, ôh tá ai tơdroăng klâi ki hơniâp ro tâ drêng châ [ă ko\ng tơná pin rah xo, krí, kâ mơnúa ngăn mâu, plâi, pôm tơdrêng tung kơdrum. {ă nâ, kố cho môi rôh ôm hyô ai pơxúa hên tơdroăng ki [riê tung hiâm mơno ki phá tơviah, châ mơnúa ngăn tơdroăng dêi khu pêi chiâk deăng [ă ‘măn rak mâu tơdroăng ki hơniâp ro, tơviah mê:

‘’Á sôk ro khât drêng châ troh akố, ngăn mâu kong kế tơnêi tơníu akố gá le\m khât, mâu kơchâi, plâi, pôm krúa, ôh tá xúa mâu pơkeăng xôh kơdê oâ hdrong. Ngăn hlo kong kế ki chiâng xêh [ă drêng á krí [ă kâ plâi a kơdrum hlo sôk ro [ă hâk vâ khât’’.

Pơkrâ mơnhông ôm hyô rơtế [ă pêi chiâk deăng xúa kơmăi kơmok chal nếo cho ivá ki rơdêi dêi Đà Lạt – Lâm Đồng

{ă Trần Đăng, tơmối lo ing kong pơlê Bình Dương tối, kố cho rôh má 4 ngoh troh a Đà Lạt – Lâm Đồng vâ lăm troh ôm hyô, ối pơtê. Ngoh ăm ‘nâi, drêng hiăng hmâ [ă mâu tíu ôm hyô a xí Prenn, xí Dantanla, long Than Thở, Thung lũng tình yêu, Đồi mộng mơ, Kơdrum reăng pơlê kong kơdrâm [ă hên tíu ki ê, tơdroăng ki tí tăng ‘nâi, môi tiah tơdroăng ki nếo tơviah ho\ng mâu túa ôm hyô a mâu tíu ki pêi chiâk deăng cho môi tơdroăng pơkâ ki tơtro.

Châ lăm troh ngăn tung mâu tơdroăng cheăng ki pêi [ă ivá, châ trâm mâ [ă hmâng kuăn pơlê ki pêi chiâk deăng tối ‘na tơdroăng ki pêt, rak ngăn, tê mâu kế tơmeăm ki pêi lo ing chiâk deăng krúa cho môi tơdroăng ki sôk ro, pro ai pơxúa môi tiah achê, hmâ [ă tơdroăng rêh ối rêm hâi.

‘’Troh a Đà Lạt mê mot ngăn tung mâu kơdrum ki ai plâi kâ ngăn gá le\m ngeăm, le\m môi tiah kố mê á hlo hơniâp ro khât. Tơnêi tíu a kố gá le\m. Kuăn pơlê lơ mâu khu ki pơkuâ tíu ki lăm hyô ngăn xuân têm rơpiât, kơhnâ tơbleăng tối ăm mâu kế tơmeăm ăm pin ‘nâi nhên xiâm kối plâi châ pêt mơjiâng môi tiah lâi’’.

Tiô pôa Vương Đình Thi, ngế ki pơkuâ tíu ki pêt yâu [ok a bêng 8, pơlê kong kơdrâm Đà Lạt, Lâm Đồng, hdrối nah tơdroăng ki tơdah tơmối mot ngăn tung kơdrum bu cho tơdroăng ki hmôu pơ pro xêh tê. Xua mê, ki hên mâu tíu troh pơrá ôh tá rak tơniăn mâu tơdroăng pơkâ ki kal ‘na hngêi trăng troăng klông, tá mâu kế tơmeăm kơchâi, plâi, pôm xuân ôh tá hên [ă châ tiô pơkâ ki le\m má môi.

Sap ing hâi khu kăn pơkuâ kong pơlê mơjiâng tơdroăng pơkâ [ă mơhnhôk, hnê mơhno, to\ng kum kuăn pơlê veăng tung ôm hyô pêi chiâk deăng mê tơdroăng ki kum tơmối hiăng tơtro tâ, tơ-[rê ‘na cheăng kâ xuân rế châ hên tâ.

‘’Túa pơkâ kố dế mơnhông mơdêk tơ’lêi hlâu [ă tơdroăng ki rơhêng vâ dêi tơmối xuân hơniâp ro tâ. Vâi xuân rơhêng vâ lăm troh a kơdrum krí xêh mâu plâi yâu, plâi tô mât , thăm nếo poê mâu súp lơ, kơchâi bó xôi, kơchâi vitamin, poê a kơdrum mê vâi hâk vâ khât. Ngin xuân rơhêng vâ ‘mâi rơnêu rế hía rế tiô troăng ôm hyô ki rơkê ple\ng [ă pêi chiâk deăng xúa kơmăi kơmok rơxông nếo tơtro [ă dêi rơpó vâ pro ivá ki hơniâp ro ăm tơmối’’.

Jâ Nguyễn Thị Bích Ngọc, kăn pho\ Ngăn mơhno túa le\m tro, tơ’noăng ivá [ă ôm hyô kong pơlê Lâm Đồng ăm ‘nâi, nôkố tơdroăng ki rơhêng vâ lăm ngăn, mơnúa dêi tơmối [ă ôm hyô pêi chiâk deăng rế hía rế hên. Kơvâ ngăn ôm hyô kong pơlê Lâm Đồng dế pơtối mơhnhôk kuăn pơlê pêi chiâk deăng [ă mâu tíu mơdró kâ tung kong pơlê ‘no liăn vâ mơnhông mơdêk tiô troăng ki rơkê ple\ng.

‘’Drêng inâi ôm hyô pêi chiâk deăng pơxiâm ai mê ki apoăng mâu tíu cheăng châ mơnhên pơrá ai hên mâu tơmôi troh, thăm nếo hên tíu cheăng ki tê ve\ ăm tơmối lăm hyô ngăn ối châ kơxo# liăn hên tâ ing tơdroăng ki tê kế tơmeăm. Ngin dế mơdêk hnoăng cheăng mơđah tơbleăng, pơkâ mơdêk ‘no liăn [ă rơtế [ă mâu tíu cheăng, khu tơru\m, mâu ngế krê mơdêk ki dâi le\m dêi mâu túa pơkâ ôm hyô pêi chiâk deăng hiăng châ mơnhên’’.

Klêi vâ chê 3 hơnăm pơkâ troăng hơlâ [ă mơnhông mơdêk, troh nôkố, Đà Lạt – Lâm Đồng hiăng ai lối 30 tíu ôm hyô pêi chiâk deăng châ hbruô ăm hlá mơéa mơnhên châ tiô pơkâ ‘mot tung tơdroăng cheăng ki kum ăm tơmối troh ngăn, lối 10 tíu ki ê dế tung pơla mơdêk ‘no liăn cheăng. Tơdroăng ki ngăn nhuo#m [ă pro tơ’lêi hlâu ăm mâu túa pơkâ ôm hyô pêi chiâk deăng mot tung tơdroăng kum tơmối hiăng rế hía rế hên kế tơmeăm, veăng kum ăm tơdroăng ôm hyô kơvâ cheăng ki xiâm dêi Đà Lạt, Lâm Đồng, mơnhông mơdêk ó rơdêi tâ.

Quang Sáng chêh

Katarina Nga tơplôu [ă tơbleăng