Rôh lăm pôu kố, pôa Hoàng Trung, Ngế xiâm phŏ ngăn chiâk deăng ƀă mơnhông thôn pơlê hiăng tơpui ƀă pôa Triệu Tăng Liên, Ngế xiâm Phŏ pơkuâ ngăn tê mơdró kăng kong Sinuâ. A rôh tơpui tơno, kăn xiâm 2 kơ koan hiăng môi tuăn ‘na tơdroăng tơrŭm tung mâu kơ vâ cheăng tê mơdró ƀă lôu péa tê mơdró mâu tơmeăm pê lo ing chiâk deăng ká xi xŏng péa tơnêi têa.

Péa pâ rơtế môi tuăn mơdêk tơrŭm cheăng tung kơvâ tê mơdró tơmeăm pê lo ing chiâk deăng ƀă lôu péa tê mơdró tung la ngiâ. Ing mê, kô rĕng pê klêi mâu hlá mơ-éa vâ ki’ tiô tơdroăng kơthô pơkâ ‘na séa ngăn hôm xôh,  lơ ‘măn hên pơkeăng ƀă mâu plâi ‘lâu ối drêh, plâi sầu riêng ki pro hngíu dêi Việt Nam drêng tê ăm kong têa Sinuâ.