VOV4.Sêdang - Kơmăng lơ 20/8, pôa Phạm Minh Chính, Ngế pro xiâm hnê ngăn tơnêi têa hiăng ai roh tơpui phôn ƀă pôa Albert Bourla, Kăn pơkuâ Kŏng ti Pfizer ‘na tơrŭm ‘na tê rôe vaccine. Pôa Phạm Minh Chi tối rơdêi, Chin phuh Việt Nam dế kơtăng pêi pro troăng pêi ton xŏn vaccine, thăm pêi pro tơdroăng pâk lâp tơnêi têa vâ kô châ tiô pơkâ troh apoăng hơnăm 2022 pâk ăm 70% pơ’leăng mâ kuăn pơlê, tơniăn tơdroăng rêh ối pơlê pơla ăm kuăn pơlê. Xua mê, pôa Phạm Minh Chính pâ thế Pfize kơjo, tơmâng tŏng kum ƀă thăm pêi pro rĕng tâ mê tơdroăng pơcháu vaccine ăm Việt Nam tiô mâu tơkêa, môi tuăn.

 Pôa Phạm Minh Chính, Ngế pro xiâm hnê ngăn tơpui ƀă pôa Albert Bourla, Kăn xiâm hnê ngăn Kŏng ti pro pơkeăng Pfizer

Kăn hnê ngăn Pfize tơkêa kô mơ-eăm tâi ivá tơná, tăng troăng vâ thăm rĕng pơcháu vaccine ăm Việt Nam tung khế 8, khế 9 ƀă pái khế mơ’nui hơnăm 2021; hbrâ kum, tŏng kum Việt Nam châ tơdah vaccine ing mâu kong têa; thăm môi tuăn tơdroăng Chin phuh Mih tŏng kum Việt Nam ‘na vaccine.

A Sa Ly tơplôu ƀă tơbleăng