VOV4.Sêdang - Pơtối ối pôu, pêi cheăng tung Việt Nam, a pơlê kong kân Hồ Chí Minh, dâng 3 chôu kơxêi lơ 24 khế 5, klêi kơ’nâi lăm pôu ngăn hngêi chuô Ngọc Hòang, pôa Barack Obama, Kăn xiâm pơkuâ ngăn kong têa Mih hiăng tơpui [ă lối 100 ngế teăng mâ khu mơdró kâ hơnăm ối nếo Việt Nam a hngêi hên tal Miss Áo Dài, pơlê kong kân Hồ Chí Minh.

            A ngiâ 100 ngế teăng mâ khu mơdró kâ a râ má 14 dêi Dreamplex, cho hngêi kân hên râ Miss Áo Dài, Kăn xiâm pơkuâ ngăn kong têa Mih tối ăm ‘nâi, pôa hlo mơnê ‘nâng ‘na tơdroăng ki hiăng châ tơtêk [ă túa cheăng kâ, tê mơdró a pơlê kong kân Hồ Chí Minh. Pôa Barack Obama tối, lâp plâi tơnêi dế séa ngăn troh mâu tơdroăng ki dế ai a Việt Nam: ‘’Á ối a kố xua Mih hiăng tơkêa kô tơru\m cheăng, tâng pó hiăng châ tơtêk păng ’nâng tung cheăng kâ-rêh ối. Ngin hiăng pơkâ kô pro Tíu xiâm ki hnê mơjiâng khu mơdró kâ cho vâi kơdrâi, dó inâi ‘’We Create’’. Xua ti mê cho ki xiâm ki pin khoh chiâng vâ tối tơbleăng a TPP’’. A chôu phut tơpui tơno mê, Kăn xiâm pơkuâ kong têa Mih ai tơpui tối nhên [ă ăm ‘nâi, Mih ngăn Việt Nam cho môi tung mâu kong têa ki tơru\m cheăng ki kal vâ mơhnhôk mâu tuăn hiâm ki hloh hlê rơkê ple\ng, Chin phuh Mih ai hên liăn kum ăm mâu hiâm mơno vâ pơxiâm cheăng kâ tê mơdró dâng 10 rơtuh USD, kô vâ kum ăm mâu hơnăm ối nếo. Klêi kơ’nâi [ai pơchuât mê, pôa Barack Obama pơtối tơpui ki vâ pro mơdó tung tơdroăng tơpui [ă 3 ngế mơdró kâ hơnăm ối nếo dêi Việt Nam, cho mâu ngế ki ai tơchuâm tơdroăng ki bô bối dêi pó, vâi ki mê cho hiăng rêh ối, hriâm tâp a kong têa Mih, la vâi ki mê pơrá vêh [ă mơjiâng tơdroăng cheăng kâ, rêh ối a Việt Nam.         

Nhat Lisa tơplôu [a\ tơbleăng