VOV4.Sêdang - Kơxê lơ 13/8, Pôa Bùi Thanh Sơn, Ngế xiâm tơpui kâ ƀă kong têa ê hôp tơpui tơno mơ’no tung um tiô troăng măng internet  ƀă jâ Armida Salsiah Alisjabana, Kăn xiâm phŏ Kăn xiâm chêh tôm xo rơkong Khu lâp kong têa hlối cho Kăn chêh tơdroăng pơkuâ Vi ƀan cheăng kâ – rêh ối pơlê pơla kơpong châu Á – Thái Bình Dương dêi Khu lâp kong têa ESCAP.

A roh hôp tơpui tơno, pôa Bùi Thanh Sơn mơnhên, Việt Nam nhuô̆m tơrŭm cheăng lĕm tro ƀă ESCAP ƀă kheăn kơdeăn hnoăng cheăng dêi ESCAP châ Khu lâp kong têa pơcháu ăm cho thăm mơnhông mơdêk cheăng kâ – rêh ối pơlê pơla krá tơniăn ƀă tŭm têk a kơpong châu Á – Thái Bình Dương. Pôa Bùi Thanh Sơn mơnhên Việt Nam kô tơrŭm krá tơniăn ƀă ESCAP vâ pêi pro Pơkâ kố.

Pôa Bùi Thanh Sơn pơkâ thế ESCAP pơtối tŏng kum Việt Nam tung pơla pơreăng kân COVID 19 vêh xông tâ tú, ki rơhêng vâ tối ing tơdroăng hriăn plĕng mơnhên ƀă pơkâ thế ‘na troăng hbrâ mơdât dêi kơpong ƀă tơdroăng tro hrá cheăng mơjiâng pro tê tơmeăm ƀă mơnhông cheăng kâ – rêh ối pơlê pơla xua ai pơreăng kân, mơnhông tơniăn lĕm ƀă krá tơniăn.

A Sa Ly tơplôu [ă tơbleăng