VOV4.Sêdang -Kơxo lơ 10/8, a Tíu xiâm Mơ’no Rơ’jiu Tơnêi têa, 58 kơphô̆ Quán Sứ, Hà Nội, Rơ’jiu xiâm Việt Nam tơkŭm po rôh hôp pơtâng, tối tơbleăng pôa Đỗ Tiến Sỹ, ngế cheăng tung Khu pơkuâ ngăn Tíu xiâm Đảng, kăn xiâm pơkuâ Rơ’jíu Việt Nam veăng tung Khu pơkuâ, rak vế pro kăn pơkuâ ngăn Đảng ủy Rơ’jíu xiâm Việt Nam hneăng hơnăm 2020 – 2025.

Pôa Huỳnh Tấn Việt diâp pơkâ ƀă diâp reăng ăm pôa Đố Tiến Sỹ

Diâp pơkâ ăm pôa Đỗ Tiến Sỹ, pôa Huỳnh Tấn Việt, kăn pơkuâ hnê ngăn Đảng ủy Khô̆i mâu kơ koan Tơnêi têa rơkâu pôa Đỗ Tiến Sỹ, ngế xiâm pơkuâ Rơ’jiu Việt Nam xo dêi hnoăng cheăng kăn pơkuâ ngăn Đảng ủy hneăng hơnăm 2020 – 2025, tơdrêng amê hnối tối, loi tơngah pôa Đỗ Tiến Sỹ kô rơtế ƀă tâi tâng Khu pơkuâ Rơ’jiu Việt Nam mơjiâng, mơnhông Rơ’jiu rơdêi, tơrŭm tơrôa, môi tuăn vâ pêi pro châ tiô tơdroăng ki pơkâ thế rế hía rế hên dêi môi kơ koan chêh hlá tơbeăng rơkê plĕng, ai hên túa, hên kơvâ.

Katarina Nga tơplôu ƀă tơbleăng