VOV4.Sêdang - Khu chêh hlá tơbeăng kong têa Cuba hâi lơ 3 khế 5 ăm ‘nâi, iâ hlo lo lăm a kong têa ê, pôa Fidel Castro, kăn xiâm kong têa Cuba hâi hnah hiăng ai roh trâm mâ kăn xiâm tơpui kâ kong têa Nhuk Fumio Kishido dế lăm pôu pêi cheăng a kong têa kố. Tiu tơbleăng tối, a roh trâm mâ, pôa Fidel Castro, kăn xiâm kong têa Cuba prế poâ Fumio Kishido hiăng tơpui tơno ‘na tơdroăng thăm tơru\m pơla péa tơnêi têa, laga ôh tá tối nhên mâu tơdroăng mê kô ti lâi. Poâ Fumio Kishido hâi lơ 1 khế 5 pơla kố nah hiăng pơkuâ xiâm khu tê mơdró kong têa Nhuk troh a pơlê kong xiâm La Habana pơxiâm roh lăm pôu pêi cheăng kong têa Cuba. Roh trâm mâ pơla poâ Fumio Kishi prế pôa Fidel Castro, kăn xiâm pơkuâ kong têa Cuba cho ôh tá chói hlo, sap poâ tối pơtê cheăng a hơnăm 2008 nah.

A Sa Ly tơplôu