VOV4.Sêdang - Tung roh lăm pôu pêi cheăng a mâu kong pơlê kơpong Tây Nguyên, hâi lơ 9 khế 4, pôa Hoàng Trung Hải, Ngế pro xiâm pho\ hnê ngăn tơnêi têa pin hiăng lăm séa ngăn, mơnhên mâu tơdroăng cheăng ki pơkuâ, rak ngăn kong [ă tơdroăng ki pơtối po rơdâ pêt loăng plâi mak-ka a tơring Tuy Đức, kong pơlê Dak Nông. Pôa Hoàng Trung Hải hiăng pơkâ thế kong pơlê Dak Nông [ă tơring Tuy Đức kal athế tí tăng mâu troăng hơlâ vâ kum kuăn pơlê hdrông mơngế kuăn ngo vâ pơkuâ ngăn, rak vế kong vâ khoh châ pêi lo liăn ngân, mơnhông ‘na tơdroăng rêh ối rêm hâi. Khu kăn pơkuâ ngăn tơring, kong pơlê, mâu khu râ pơkuâ cheăng ki ai tơdjâk troh kal athế tí tăng rah mâu hdrê loăng ki ton hâi, môi tiah loăng ki pro pơkeăng tơtro [ă tơnêi tơníu, hyôh kong prâi, vâ kuăn pơlê chiâng pêt tơvât tung kong ki tơná pơkuâ ngăn; lơ ăm phêp vâi krâ-nho\ng o mơdâ pêt kế tơmeăm a kơpong tơnêi ki achê têa, tơnêi ki ôh tá tơbêt to lâi [ă pêt mâu hdrê loăng ki vâ tơ’lêi ăm tơdroăng păn í tung kong ki mê. Ki rêh kâ ối dêi kuăn pơlê ki xo rak ngăn kong athế tơniăn, ki vâ lot hlái athế chía hôm lơ hôm hluâ tâ mâu rơpo\ng ki ê tung pơlê. Ai tiah mê ‘nôi, vâi krâ-nho\ng o nếo vâ pêi pêt, kơhnâ rak ngăn kong ki tơná hiăng kâk ngăn.

Gương tơplôu