VOV4.Sêdang -Hâi lơ 24/8, a tíu pêi cheăng xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng pơkuâ hôp pêi cheăng ƀă khu mâu kăn xiâm ‘na tơdroăng hbrâ mơdât pơreăng COVID-19, Tơdrêng veăng pêi cheăng ai pôa Nguyễn Xuân Phúc, kăn xiâm hnê ngăn tơnêi têa; pôa Phạm Minh Chính, Ngế pro xiâm hnê ngăn Chin phuh; pôa Vương Đình Huệ, Kăn xiâm hnê ngăn Kuô̆k hô̆i; pôa Võ Văn Thưởng, Ngế cheăng tung Khu kăn hnê ngăn Đảng; Đăi tươ̆ng Tô Lâm, Ngế xiâm pơkuâ kŏng an.

A rôh pêi cheăng, pôa Nguyễn Phú Trọng tối kố cho rôh hôp ki kal tung pơla dế ai pơreăng tâ tú rơ-iô môi tiah nôkố. Kăn xiâm pơkuâ hnê ngăn Đảng khĕn kơdeăn mâu ki cheăng khăm pơlât, mâu lêng, kŏng an, mâu khu xiâm kơvâ cheăng dêi mâu kong pơlê tối ki nếo mâu tơdroăng tung tâi tâng khu cheăng kal kí hiăng rĕng veăng tơmâng, ƀă mơ-eăm khât tung tơdroăng mơdât pơreăng, châ hên ngế kuăn pơlê môi tuăn.

Mơhé ti mê, Kăn xiâm pơkuâ hnê ngăn Đảng xuân tối nhên, ki pá, tơvâ tơvân, thăm nếo a mâu kong pơlê, mâu tíu xuân ối tơngôu ôh tá vâ tơmâng khât tơdroăng hbrâ mơdât pơreăng; ing tơdroăng thế pôi tá préa, pôi thâ, pôa Nguyễn Phú Trọng thế, Chin phuh, mâu khu xiâm kơvâ cheăng kong pơlê pơtối hbrâ rơnáu tối tơbleăng tơdroăng, tơbleăng tơdrêng, tơkŭm môi tuăn, xing xoăng tro mơngế, khu, rơbot chôu vế tâi tâng vâ mơdât pơreăng ăm tơ-brê tung la ngiâ.

Gương tơplôu ƀă tơbleăng