VOV4.Xơ Đăng -   Kơxo lơ  5/1,  a tíu pêi cheăng dêi Chin phuh xua pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp, mơ’no tơdrêng tung lâp tơnêi têa tơbleăng mơgêi tơdroăng dêi Tíu xiâm tơnêi têa ƀă Pơkâ dêi Kuô̆k hô̆i hneăng 15 ‘na tơdroăng pơkâ mơnhông cheăng kâ rêh ối hơnăm 2022.

Troh veăng hôp ƀă tối tơbleăng hnê mơhno a hneăng hôp, pôa Nguyễn Phú Trọng tối nhên, tung la ngiâ Chin phuh kal tơkŭm pêi tơ-ƀrê Tơdroăng ‘mâi mơnhông cheăng kâ - rêh ối, rơtế ƀă tơdroăng pêi pro tro tiô pơkâ séa ngăn mơdât liăn ôh tá kơnâ, rak tơniăn cheăng kâ kân ƀă pro tơdâng ‘na tơdroăng cheăng kâ.

Pôa Nguyễn Phú Trọng, Kăn xiâm pơkuâ hnê ngăn Đảng: Tơkŭm pêi tơ-ƀrê Tơdroăng ‘mâi mơnhông cheăng kâ

Pơtối ‘mâi hơ’lêh tơdroăng ‘no liăn cheăng tê mơdró, mơdêk tâk rĕng ƀă krá tơniăn tơ-ƀrê tâ. Pôa Phạm Minh Chính, Ngế pro xiâm hnê ngăn Chin phuh tối nhên, hneăng hôp rôh kố kô tơkŭm tối nhên, tối ki tơ-ƀrê dêi tơdroăng kal kí hơnăm 2021, tối tơdroăng ki tro ƀă tơdrăng mơhno ki ôh tá tro, tơvâ tơvân ƀă ki xiâm ing lâi, malối xiâm ki tơngôu oh tá vâ rĕng tơmâng,

Klêi mê, hlối pâ thế pơkâ mâu troăng rơhlâ tơkâ luâ xơpá, tơpui nhên ƀă môi tuăn dêi rơpó ‘na tơdroăng pơkâ, tơdroăng cheăng pêi, troăng rơhlâ vâ pêi tơdroăng kal kí châ Đảng, Tơnêi têa ƀă kuăn pơlê pơcháu.

Gương tơplôu ƀă tơbleăng