VOV4.Sêdang - Kơxêi lơ 12 khế 7, a tíu xiâm Đảng, pôa Nguyễn Phú Trọng, Kăn xiâm pơkuâ hnê ngăn tơnêi têa pin hiăng tơdah, tơpui tơno [ă pôa Dacian Cioloş, Ngế pro xiâm hnê ngăn kong têa Rumani dế lăm pôu a Việt Nam.

            A chôu phut tơdah mê, pôa Nguyễn Phú Trọng, Kăn xiâm pơkuâ hnê ngăn hiăng mơhno tối tơdroăng ki nhuo#m mơnê [ă pói rơhêng vâ thăm mơnhông ki tơru\m cheăng tiô khôi hmâ [ă tơru\m cheăng tung hên kơvâ [ă Rumani, tung mê, ai tá tơru\m cheăng kâ, cheăng lêng [ă tơru\m cheăng a mâu roh hôp hên khu râ. Pôa Nguyễn Phú Trọng séa mơnhên ngăn hneăng lăm pôu ga cho ai pơxúa kal kân khât dêi Ngế pro xiâm hnê ngăn kong têa Rumani, pơtroh ăm kuăn pơlê Việt Nam hiâm mơno ki mơjo pâ dêi kuăn pơlê Rumani, mơjiâng ivá cheăng ki thăm rế mơnhông mơdêk pơla péa pâ tơnêi têa; mơnê Chin phuh [ă kuăn pơlê Rumani hiăng to\ng kum pro tơ’lêi hlâu ăm kuăn pơlê Việt Nam dế rêh ối, pêi cheăng [ă hriâm tâp a Rumani, thăm mơnhông hnoăng cheăng ki pro tơdjêp châ tơ-[rê ăm tơru\m cheăng pơla péa pâ tơnêi têa xuân môi tiah thăm tơru\m hên kơvâ cheăng pơla Việt Nam tối phá xêh, ASEAN tối tơchuâm [ă khu tơru\m châu Âu tung la ngiâ ah. Pôa Nguyễn Phú Trọng pâ thế Rumani rơtế [ă mâu kong têa tung Khu tơru\m châu Âu pơtối veăng môi tuăn [ă tơdroăng ki tơtro dêi Việt Nam [ă ASEAN ‘na tơleăng mơnhên mâu tơdroăng ki tơbriât a Biển Đông [ă túa cheăng ki pro tơleăng le\m, rak vế, pêi pro tro tiô Luât xiâm lâp plâi tơnêi.

Nhat Lisa tơplôu [ă tơbleăng