VOV4.Sêdang - Hâi lơ 9 khế 2, a pơlê kong kơdrâm Buôn Ma Thuột, pôa Nguyễn Tấn Dũng, Ngế pro xiâm hnê ngăn tơnêi têa pin rơtế [ă mâu kăn dêi Chin phuh hiăng ai rôh lăm pêi cheăng [ă khu kăn pơkuâ kong pơlê Dak lak ‘na rak vế, pêi pro hnoăng cheăng mơnhông mơdêk cheăng kâ rêh ối pơlê pơla dêi kong pơlê kố. Pôa Nguyễn Tấn Dũng hiăng pơkâ thế tâi tâng khu râ ki pơkuâ ngăn ‘na cheăng kal kí, mâu khu râ, mâu kơvâ pêi cheăng a kong pơlê Dak Lak veăng tơjuôm ívá, tơjuôm hiâm mơno rơtế kơdôu mơ-eăm rak vế, pêi pro mâu hnoăng cheăng ki kho\m châ tơ-[rê má môi mâu hnoăng cheăng, túa cheăng tung mơnhông tơtêk ‘na pêi cheăng kâ-rêh ối pơlê pơla ki Đảng [o# kong pơlê Dak Lak hiăng mơ’no pơkâ. Pôa Nguyễn Tấn Dũng hiăng pơkâ thế khu kăn pơkuâ kong pơlê Dak Lak pơtối hriăn ple#ng, tí tăng ‘nâi hlê, pêi cheăng châ tơ-[rê khât vâ khoh châ pơtối mơnhông ‘na hnoăng cheăng, ki ai pơxúa ăm tung pro tơtêk ‘na pêi cheăng kâ, malối ‘na tơdroăng ki hiăng ai tơniăn hlâu dêi tơnêi tơníu, kong kế, kuăn mơngế [ă mâu tơmeăm ki pêt mơjiâng chiâng hlâu, mơtiah loăng kơphế, kơxu [ă hía hé. Pôa Nguyễn Tấn Dũng xuân ai tối pơchân, kong pơlê Dak Lak kal athế to\ng kum ngăn khât hên tâ nếo ‘na cheăng mơjiâng Đảng, mơjiâng khu kăn pơkuâ ngăn ‘na kal kí athế krá tơniăn sap ing pơlê cheăm, tăng xo mâu kăn [o# ki rơkê kơhnâ vâ pêi cheăng a rêm râ, ki malối a mâu pơlê cheăm. Pôa Nguyễn Tấn Dũng mơnhên tối: Tíu xiâm tơnêi têa kô rơtế [ă kong pơlê Dak Lak choâ lâng to\ng kum ăm kuăn pơlê ki lăm ối hmâng lo vâ, vâ khoh re#ng châ kum tơniăn ăm tơdroăng rêh kâ ối dêi kuăn pơlê ki lo ing tíu ê trôh rêh ối a kơpong kố.

Nhat Lisa tơplôu