VOV4.Sêdang - Kơxê hnah, lơ 29 khế 12, a tíu pêi cheăng dêi Chin phuh, pôa Nguyễn Tấn Dũng, Ngế pro xiâm hnê ngăn tơnêi têa pin hiăng pơkuâ ngăn roh hôp dêi Chin phuh tiah hmâ a khế 12. Roh hôp kố tơku\m tơpui tơno ‘na hlá mơ-eá ki tơbleăng tối hnoăng cheăng pêi pro tung pơla sap hơnăm 2011 troh hơnăm 2016 dêi Chin phuh, Ngế pro xiâm hnê ngăn Chin phuh:

Pôa Nguyễn Tấn Dũng, Ngế pro xiâm hnê ngăn Chin phuh [ă mâu ngế cheăng tung Chin phuh hiăng tơku\m tơpui tối mơnhên, tơpui leăng mâu tơdroăng ki hiăng châ chiâng pêi pro, mâu tơdroăng ki ối ‘ro tung hnoăng cheăng pơkuâ ngăn, pơkâ thế, pêi pro tung khế hơnăm hiăng hluâ hdrối mê hiá nah; mơnhên tối tung hneăng roh kố, Chin phuh hiăng rak vế, pêi pro tơdrăng khât ‘na troăng hơlâ, tơdroăng pơkâ dêi Đảng, dêi Kuo#k ho#i; pro mâu tơdroăng ki mê [ă hnoăng cheăng pêi pro păng ‘nâng, ai pơkâ i nhên tung mâu hnoăng cheăng; pơkâ pêi pro hnoăng cheăng ki kân rơdâ, trâu hơngế, la pêi pro to hnoăng cheăng ki kân xiâm, ki tơxâng, ai pơxúa ăm tơnêi ki păng ‘nâng, kho\m tơniăn tro tiô hâi khế hơnăm hiăng pơkâ; tơdrêng amê, hnối pêi pro hnoăng cheăng mơnhông mơdêk pêi cheăng kâ, pêi lo hên kế tơmeăm, tơdroăng rêh ối pơlê pơla xuân tơniăn tung kring vế, gak ngăn ‘na pơlê pơla, tơnêi têa, kho\m tơniăn ‘na ki hloh hlê rơkê ple\ng, tơdâng tơ’mô tung pơlê pơla, thăm mơnhông mơdêk tu\m tơdroăng cheăng kâ rêh ối dêi kuăn pơlê [ă hiá hé.

Seá mơnhên ngăn hlá tơbleăng ki chêh tối tung rak vế, pêi pro tiô hnoăng cheăng ki mơjiang Luât, kơxop mơ-eá luât [ă mơ’no mâu hlá mơ-eá ki ai chêh tối nhên ‘na troăng luât, kơxop mơ-eá luât hơnăm 2015, [ă hnoăng cheăng pêi pro tung hơnăm 2016 [ă hiá hé. Pôa Nguyễn Tấn Dũng, Ngế pro xiâm hnê ngăn tơnêi têa pơkâ thế mâu khu ngế ki pơkuâ xiâm tơdroăng cheăng, kơvâ cheăng tung la ngiâ kố ah pơtối to\ng kum, rak ngăn, pêi pro tơ-[rê hên tâ nếo tung hnoăng cheăng ki kố, kho\m tơniăn ‘na kuăn mơngế cheăng, khu ki pơkuâ cheăng [ă hiá hé, kho\m troh tâi khế 3 hơnăm 2016 chêh bro klêi mâu kơxop hlá mơ-eá ki chêh tối, lơ ối chêh tung hơnăm 2015, xuân môi tiah kơxop mơ-eá luât ki hnê tối ki pơxiâm xêt khât sap ing hâi lơ 1 khế 1 hơnăm 2016 ah.

Nhat Lisa tơplôu [a\ tơbleăng