VOV4.Sêdang - Drêng veăng hôp to mâu kăn xiâm ki kal kân dêi ASEAN [ă Mih dế po a Sunnylands, California, kong têa Mih, mê kơxo hnah, lơ 16 khế 2, tiô chôu Việt Nam, pôa Nguyễn Tấn Dũng hiăng ai roh trâm mâ, tơpui tơno [ă pôa Joko Widodo, Kăn xiâm pơkuâ ngăn kong têa Indonesia, pôa Prayuth Chan-ocha, Ngế pro xiâm hnê ngăn kong têa Siam [ă châ ngăn khu mơdró kâ Việt Nam [ă Mih k^ tơkêa hên mâu kơtâ hlá mơ-éa tơru\m cheăng ‘no liăn, tê mơdró kâ ki kân.

A chôu phut trâm mâ pơla pôa Nguyễn Tấn Dũng [ă pôa Joko Widodo, péa ngế kăn xiâm hiăng mơhno tối hiâm mơno ki vâ môi tuăn tung mâu tơdroăng cheăng koh tơbâ 60 hơnăm péa pâ tơnêi têa tơru\m cheăng kâ po tung hơnăm 2015 nah, ing mê, hiăng veăng kum mơnhông ‘na tơru\m cheăng kâ, [ă pro nho\ng o, tơru\m pơla Chin phuh [ă kuăn pơlê dêi péa pâ tơnêi têa. Péa ngế kăn xiâm rơtế vâ môi tuăn thăm mơnhông ‘na cheăng kâ, ‘no liăn pêi cheăng kâ, tê mơdró hên kế tơmeăm tung tơru\m tê mơdró kâ; tơru\m cheăng kâ krá tơniăn tung tơleăng mơnhên, to\ng kum mâu tơdroăng ki ai tơdjâk troh kuăn pơlê tơnăng ká kơxo\ng [ă ‘na tuk lăm tơnăng dêi Việt Nam. Tung kơvâ tơru\m cheăng kring vế, gâk ngăn pơlê pơla, tơnêi têa, péa pâ hiăng vâ môi tuăn kô re\ng k^ tơkêa lăm gak ngăn, tơru\m plâ mơdât khu lêng ‘mêi tung kơpong, po troăng phôn êng tiâ pơla péa khu lêng tuk dêi péa pâ tơnêi têa [ă troăng hơlâ tơru\m cheăng vâ pơtối mơnhông mơdêk ‘na rak vế hơniâp le\m, kring vế tơniăn tung kơpong.

Tung rôh trâm mâ pơla pôa Nguyễn Tấn Dũng, Ngế pro xiâm hnê ngăn tơnêi têa pin prếi pôa Prayuth Chan-Ocha, Ngế pro xiâm hnê ngăn kong têa Siam, péa pâ hiăng môi tuăn tơru\m hnê mơhno pêi pro tơ-[rê tơdroăng tối tơbleăng tơru\m cheăng la ngiâ hneăng hơnăm 2014-2018 [ă mâu tơdroăng dêi rôh hôp Chin phuh tơdjuôm rôh má 3. Pôa Nguyễn Tấn Dũng xuân pâ thế Siam tơru\m krá khât tâ nếo [ă Việt Nam tung pơkâ tơleăng mâu tơdroăng ‘na kuăn pơlê ki tơnăng ká xi xo\ng, prôk lăm plong tuk tiô tuăn hiâm mơhno\ng vâ, tơru\m tơroâ môi tuăn ‘na mơdêk hnoăng cheăng tíu xiâm dêi ASEAN tung pơkâ tơleăng mâu tơdroăng hơniâp le#m, kring gâk [ă mơnhông mơdêk dêi kơpong.

Nhat Lisa prế Gương tơplôu [ă tơbleăng