VOV4.Sêdang - Pơtối roh lăm pôu pêi cheăng a kong têa New Zealand, kơxo lơ 20 khế 3, a pơlê kong kân Aurkland, poâ Nguyễn Tấn Dũng, Ngế pro xiâm hnê ngăn tơnêi têa rơtế [ă khu râ kăn cheăng tung Chin phuh Việt Nam hiăng veăng a roh hôp tơpui tơno [ă mâu khu mơdró kâ Việt Nam prếi New Zealand. A roh tơpui tơno, poâ Nguyễn Tấn Dũng rơtế [ă kăn pơkuâ mâu Khu xiâm, kơvâ cheăng Việt Nam hiăng tơmâng hnối tiâ hên rơkong kơ-êng dêi mâu khu mơdró kâ, khu ‘no liăn cheăng New Zealand, malối ai tơdjâk troh hbru ăm hlá mơéa phêp ‘no liăn cheăng, tơdroăng pơkâ mơhnhôk pro tơ’lêi hlâu ăm tơdroăng mơnhông mơdêk tơdâng pơla mâu kơpong [ă hên tíu. Tối rơdêi tơdroăng ki hiăng ai hlâu tơru\m cheăng pơla Việt Nam [ă New Zealand ối hên, xua tơdroăng cheăng kâ dêi péa kong têa ai hên tơdroăng ki pơxúa vâ ‘mot tơ’nôm ăm dêi pó rơtế mơnhông mơdêk, Ngế pro xiâm hnê ngăn tơnêi têa xun tối nhên tơdroăng hơlêh [ă tơru\m cheăng lâp plâi tơnêi trâu hơngế dêi Việt Nam dế ối po hên roh vâ ăm khu ‘no liăn cheăng, tung mê, ai mâu khu ‘no liăn cheăng New Zealand. Chin phuh Việt Nam to\ng kum hnối pro tơ’lêi ăm mâu khu mơdró kâ New Zealand ‘no cheăng tung mâu kơvâ cheăng New Zealand ki ó rơdêi môi tiah pêi chêk pêi deăng, chiâ xo kế tơmeăm, rơxôh internet, hnê hriâm, hnê cheăng pêi [ă mơnhông mơdêk mơjiâng pro hngêi trăng, troăng klông, on tơhrik, Ngế pro xiâm hnê ngăn tơnêi têa rơhêng vâ mâu khu mơdró kâ New Zealand mơdêk tơru\m, ‘no liăn cheăng tung mâu kơvâ pêi chêk pêi deăng, uâ pơliê kế tơmeăm pêi lo ing chêk deăng, mơnhông mơdêk mâu tơdroăng ki kơnía git ‘na pêi chêk pêi deăng, tê mơdró pêi chêk pêi deăng vâ mơdêk ki kơnía [ă ivá tơxup tơbriât kế tơmeăm pêi lo ing chêk deăng tung tơdroăng péa pâ xun ai pơxúa. Xun tung kơxo kố, poâ Nguyễn Tấn Dũng hiăng tơdah kăn pơkuâ mâu grup pơkuâ ki kân dêi New Zealand.

Katarina Nga tơplôu