VOV4.Sêdang - Hâi lơ 22/8, pôa Nguyễn Xuân Phúc, Ngế cheăng tung khu xiâm kăl kí, Kăn xiâm hnê ngăn tơnêi Kŏng hòa xah hô̆i chuh ngiah Việt Nam pơkuâ djâ khu kăn xiâm Đảng, Tơnêi têa, Măt trâ̆n tơnêi têa Việt Nam troh veăng plĕng hơvĭng reăng, tơbâ kơ Đại tướng Võ Nguyên Giáp, drêng troh leh tơbâ 110 hơnăm hâi kot mâ Đăi tưŏng (25/8/1911-25/8/2021). Đại tưŏng cho ngế hok tro ki rơkê ƀă hmâ achê Pôa Hồ Chí Minh, Kăn xiâm hnê ngăn tơnêi têa ki apoăng.

Pôa Nguyễn Xuân Phúc, Kăn xiâm hnê ngăn tơnêi têa chôu nhâng a um Đăi tươ̆ng Võ Nguyên Giáp

Tung plâ rơxông ối rêh, Đăi tươ̆ng hmâ ƀă tơdroăng cheăng kăch măng dêi Đảng ƀă hdroâng mơngế. A Đại tướng Võ Nguyên Giáp đi đo ai tơdroăng ki lĕm kơnía dêi mơngế lêng kăch măng khên tơnôu, môi tuăn vâ khât ƀă tơdroăng cheăng kăch măng dêi Đảng. Đăi tươ̆ng Võ Nguyên Giáp ối cho môi ngế ki rơkê, hiăng rơtế ƀă tâi tâng Đảng, tâi tâng mâu lêng pin prôk ing châ ƀlêi trâng ki kố troh ƀlêi trâng ki ê, mơjiâng hnoăng kăch măng. Đăi tươ̆ng Võ Nguyên Giáp cho ngế ki rơkê má môi ‘na troăng hơlâ tơplâ  dêi tơdroăng pro tơleăng lĕm hdroâng mơngế tung tơnêi têa ƀă lâp plâi tơnêi.

Gương tơplôu ƀă tơbleăng