VOV4.Sêdang -Tung rôh lăm pôu Việt Nam, kơxo hâi lơ 25/8, pôa Nguyễn Xuân Phúc, Kăn xiâm hnê ngăn tơnêi têa hiăng ai rôh tơpui tơno ƀă jâ Kamala Harris, Kăn xiâm phŏ pơkuâ kong têa Mih. A rôh hôp tơpui tơno, pôa Nguyễn Xuân Phúc tối, Việt Nam môi tuănpêi pro tơdroăng pơkâ tơpui kâ tơniăn, hbrâ vâ tơrŭm cheăng loi nhoăm dêi rơpó, veăng ‘no hnoăng a tơdroăng hơniâp lĕm, tơniăn ƀă mơnhông mơdêk tung lâp plâi tơnêi. Ing mê, Việt Nam đi đo ngăn Mih cho môi tung mâu kong têaki tơrŭm má môi. Việt Nam púi vâ rơtế ƀă Mih pơtối mơdêk tơrŭm cheăng tung tŭm tơdroăng, rế trâu rơdâ tâ, péa pâ rơtế ai pơxúa ing tơdroăng pơkâ hơnăm hnoăng pơkuâ dêi rơpó, tung lâp tơnêi têa ƀă luât pơkâ ki dêi rơpó.

Pôa Nguyễn Xuân Phúc, Kăn xiâm hnê ngăn tơnêi têa tơpui ƀă jâ Kamala Harris, Kăn xiâm phŏ pơkuâ kong têa Mih

Jâ Kamala Harris , kăn xiâm phŏ pơkuâ kong têa Mih khĕn kơdeăn Việt Nam hiăng mơ-eăm khât tung tơdroăng plâ mơdât pơreăng COVID-19 ƀă tối nếo  tơdroăng tơhrâ dêi Mih, kum Việt Nam troh tah pơreăng COVID-19. Péa ngế kăn vâ môi tuăn mơdêk tơrŭm ƀă mơdêk tung tŭm tơdroăng. Malối cho tơrŭm cheăng kâ tê mơdró, ‘na cheăng lêng, mơ-eăm tơkâ luâ tơdroăng pá  tơplâ, ‘na khăm pơlât, kơmăi kơmok ƀă hên ki ê.

Gương tơplôu ƀă tơbleăng