VOV4.Sêdang - Tung hneăng lăm pôu kong têa Lếo, kơxê lơ 9/8 pôa Nguyễn Xuân Phúc, Kăn xiâm hnê ngăn tơnêi têa xuân hiăng ai rôh tơpui ƀă pôa Phankham Viphavanh, Ngế pro xiam hnê ngăn Chin phuh Lếo. A rôh tơpui tơno, péa ngế kăn xiâm khĕn kơdeăn mâu tơdroăng hbrâ ví tơ-ƀrê ƀă pơreăng kân COVID-19 dêi rêm kong têa tung pơla hdrối kô hía nah; tối tro tuăn ‘na tơdroăng veăng kum teăm tơdrêng, thăm rế tơrŭm krá pơla nhŏng o péa tơnêi têa hiăng tơrŭm veăng kum dêi rơpó tung mâu tơdroăng hbrâ mơdât  pơreăng.

Péa ngế kăn xiâm vâ môi tuăn ‘na troăng rơhlâ  pêi cheăng tung la ngiâ, ing mê tối nhên kal thế tơrŭm pêi pro tro mâu tơdroăng tơhrâ dêi mâu kăn, tơbleăng pêi tơ-ƀrê tơdroăng Kĭ tơhrâ tơrŭm cheăng péa pâ Việt Nam - Lếo pơla hơnăm 2021-2025 ƀă tơhrâ tơrŭm cheăng Việt Nam pơla hơnăm 2021-2030, hlối mơdoh hên hâi chôu tơpui tơno ‘na mâu tơdroăng pêi nhên khât vâ mơdêk tơrŭm cheăng kâ, tê mơdró ƀă ‘no liăn cheăng.

Gương tơplôu ƀă tơbleăng