VOV4.Sêdang - Tiô rơkong krếo thé dêi pôa Thongloun Sisoulith, kăn xiâm pơkuâ hnê ngăn Đảng, Kăn xiâm hnê ngăn kong têa Lếo,  kơxo lơ 9/8, pôa Nguyễn Xuân Phúc, Kăn xiâm hnê ngăn tơnêi têa rơtế ƀă kơdrâi pôa pơkuâ djâ khu kăn xiâm Việt Nam lo ing Hà Nội lăm pôu kong têa Lếo ing lơ 9 troh lơ 10/8. Kố cho hneăng lăm pôu kong têa ê ki apoăng dêi pôa Nguyễn Xuân Phúc drêng to pro kăn xiâm hnê ngăn nếo, mơhno ki nhoăm khât dêi Đảng, Tơnêi têa ƀă kuăn pơlê Việt Nam ƀă tơdroăng tơrŭm cheăng ki kal, tơrŭm tung tŭm tơdroăng cheăng pơla Việt Nam - Lếo.

Pôa Nguyễn Xuân Phúc, Kăn xiâm hnê ngăn tơnêi têa ƀă pôa Thongloun Sisoulith, kăn xiâm pơkuâ hnê ngăn Đảng, Kăn xiâm hnê ngăn kong têa Lếo

Tung hneăng lăm pôu, mâu kăn péa tơnêi têa kô tơpui tơno ‘na tơdroăng pơtối mơdêk tơrŭm cheăng kal kí, tơpui tơno, malối tung pơla dế tâ tú pơreăng COVID - 19, vâ pro xiâm ki kal, mơdêk tơrŭm cheăng pơla péa tơnêi têa tung tê mơdró ‘no liăn cheăng, ‘na cheăng lêng, kring tơniăn; mơhno túa lĕm tro, khăm pơlât. Tơrŭm cheăng lâp plâi tơnêi, tung kơpong. Hneăng lăm pôu veăng mơhno ki kal tung tơdroăng rak vế ki lĕm ƀă tơrŭm cheăng pơla Lếo - Việt Nam.

Gương tơplôu ƀă tơbleăng