VOV4.Sêdang -Xuân tung rôh lăm pôu, pôa Nguyễn Xuân Phúc, kăn xiâm hnê ngăn tơnêi têa hiăng ai mâu rôh trâm pôa Khamtai Siphandone, kăn xiâm hnê ngăn Đảng, pôa Choummaly Sayasone, kăn xiâm hnê ngăn kong têa hneăng hdrối, pôa Bounnhang Vorachith, kăn xiâm pơkuâ hnê ngăn cheăng Đảng, kăn hnê ngăn kong têa Lếo hneăng hdrối. A mâu rôh trâm, pôa Nguyễn Xuân Phúc tối, phiu ro khât châ vêh trâm mâu ngoh, mâu vâi pú ki tơrŭm krá dêi Đảng, Tơnêi têa ƀă kuăn pơlê Việt Nam.

Mâu kăn xiâm pơkuâ dêi Lếo tối phiu ro hlo tơdroăng ki mơnhông tơniăn lĕm tung tơrŭm cheăng pơla péa Đảng, péa Tơnêi têa ƀă kuăn pơlê péa tơnêi têa tung pơla hdrối kố nah; mơnhên tối khât mâu tơdroăng ki hiăng pêi pro klêi tung rôh tơpui tơno; pơkâ thế péa pâ pơtối tơmâng ngăn hnê hriâm ƀă tối tơbleăng ăm kuăn pơlê péa tơnêi têa, malối cho mâu rơxông hơnăm ối nếo ‘na khôi hmâ tơrŭm cheăng môi hiâm mơno pơla Lếo – Việt Nam, Việt Nam – Lếo.

Katarina Nga tơplôu ƀă tơbleăng