VOV4.Sêdang - Kơxê lơ 18/8, a Hà Nội, Đảng ủy Kŏng an xiâm tơnêi têa, Khu xiâm kŏng an tơkŭm po trâm mâ leh tơbâ 76 hơnăm Hâi mơjiâng Khu lêng kŏng an kuăn pơlê lơ 19/8 ƀă diâp kơlŏng Đảng 40 hơnăm, 30 hơnăm cheăng Đảng ăm mâu kăn xiâm, mâu kăn xiâm kŏng an hneăng hdrối. Troh veăng leh ƀă tơpui a hâi leh, pôa Nguyễn Xuân Phúc, Kăn xiâm hnê ngăn tơnêi têa khĕn kơdeăn mâu lêng Kŏng an kuăn pơlê tung mâu hơnăm hdrối mê hía nah hiăng tơplâ pêi cheăng tơ-ƀrê, kâi hnâp tŭm tơdroăng khu ‘mêi hriăn vâ pro ôh tá tơniăn ‘nhiê Đảng, Tơnêi têa, kring vế tơniăn tơnêi têa.

Pôa Nguyễn Xuân Phúc, Kăn xiâm hnê ngăn tơnêi têa xông tơpui a rôh leh

Pakĭng mê, khu lêng Kŏng an kuăn pơlê hiăng mơdêk tơdroăng cheăng tơplâ mơdât mâu khu pro xôi. Pôa Nguyễn Xuân Phúc thế Đảng ƀô̆ Kŏng an xiâm tơnêi têa, khu xiâm Kŏng an pơtối mơdêk ki tơrŭm môi tuăn, môi tuăn dêi rơpó, mơ-eăm pê klêi tơdroăng pơcháu cheăng tiô troăng rơhlâ dêi Đảng, luât tơnêi têa ‘na tơdroăng kring vế tơniăn tơnêi têa, tơniăn pơlê pơla. 

Gương tơplôu ƀă tơbleăng