VOV4.Sêdang - Pơtối ối pôu, pêi cheăng a Tây Nguyên, kơxo lơ 20 khế 6, a pơlê kong kơdrâm {uôn Ma Thuột, kong pơlê Daklak, pôa Nguyễn Xuân Phúc, Ngế pro xiâm hnê ngăn tơnêi pơkuâ hneăng hôp tơpui ‘na mâu túa pêt, rak ngăn kong krá tơniăn a kơpong Tây Nguyên vâ hbrâ ví kong prâi pro hơ’lêh hneăng hơnăm 2016 – 2020. Xông tơpui a hneăng hôp, pôa Nguyễn Xuân Phúc tối rơdêi hnoăng cheăng ki kal cho pêt, rak ngăn kong Tây Nguyên, mơdât ko ‘nhiê kong. Ngế pro xiâm hnê ngăn tơnêi têa tối nhên, xiâm kối cho vâ pro ki xâp hơngiâp dêi kong Tây Nguyên châ lối 59% a hơnăm 2020. Laga ki xâp hơngiâp dêi kong bu iâ, pá kơdâm tơdế. Tâng ôh tá pơtối pêt, rak ngăn, mê kô trâm tơdroăng kong prâi pro ôh tá tơniăn. Ngế pro xiâm hnê ngăn tơnêi têa pơkâ mơhnhôk ivá ó rơdêi dêi khu kal kí, kho\m mơ-eăm pêt [a\ rak ngăn kong krá tơniăn, [a\ tơdroăng rêh ối dêi kuăn pơlê tíu ai kong, kum mơnhông mơdêk cheăng kâ – rêh ối pơlê pơla. Ngế pro xiâm hnê ngăn tơnêi têa mơnhên Chin phuh tơbleăng ôh tá ăm kếo loăng kong ki ai xêh sap ing nah, ôh tá hơ’lêh 2 rơtuh 500 hectar vâ hơ’lêh pêt ki ê xếo, tá mâu tơdroăng tơkêa bro hiăng k^ tơkêa, laga tá hâi po rơdâ [a\ tơleăng kơtăng mâu ngế ki ko ‘nhiê kong, kum mâu ngế ki ê veăng ko ‘nhiê kong.

A Sa Ly tơplôu [ă tơbleăng