VOV4.Sêdang - Kơxo lơ 9 khế 8, pôa Nguyễn Xuân Phúc, Ngế pro xiâm hnê ngăn tơnêi têa pin hiăng pơkuâ xiâm roh hôp lâp tơnêi têa ‘na mơnhông mơdêk kơvâ ôm hyô. Roh hop kố hiăng po a pơlê kong kơdrâm Hội An, kong pơlê Quảng Nam. Xông tơpui a roh pơxiâm hôp, pôa Nguyễn Xuân Phiúc tối nhên, dế nôkố, kơvâ ngăn ‘na ôm hyô dế veăng tơlo liăn ngân ăm tơnêi têa châ 6,6% kơxo# liăn ngân, tăng tơdroăng cheăng pêi ăm kuăn pơlê troh 2 rơtuh 250 rơpâu ngế, kơxo# kế tơmeăm mơ’no tê tơngiâ kong têa vâi ê châ 8 rơtal 500 rơtuh dollar, tơdah vâ chê 8 rơtuh ngế tơmối a hơnăm nah. Ma luâ tiah mê, Ngế pro xiâm hnê ngăn tối rơdêi, kal athế ngăn tung kơpong ki ai ivá vâ pơtối mơnhông mơdêk, ai troăng hơlâ vâ thăm mơnhông kơvâ ôm hyô tung tơnêi têa châ tơtêk ó tâ nếo, rơdâ tâ nếo, kơdôu mơ-eăm veăng tơlo liăn ngân dêi GDP tơnêi têa châ 10%. Ing rơkong tơpui tối, hnê pơchân mê, Ngế pro xiâm hnê ngăn tơnêi têa ối tối nhên, roh hôp kố ôh tá tối troh tơdroăng ki hiăng ai hnoăng hdrối mê hía nah, mê kal athế mâu kăn tối nhên mâu tơdroăng ki ối trâm pá, ki tơvâ tơvân, ing mê, vâ mơnhên tối troăng hơlâ [ă ki nhên tâ vâ mơnhông ăm kơvâ ôm hyô thăm rế ai túa cheăng ki nếo, vâ kơdroh tah lôi mâu tơdroăng ki ối xơpá, tơvâ tơvân tung kơvâ ôm hyô, vâ kơvâ cheăng kố cho păng ‘nâng cho khu ki pêi lo liăn ngân vâ mơnhông mơdêk tơnêi têa.

Nhat Lisa tơplôu [ă tơbleăng