VOV4.Sêdang - Kơxê lơ 13 khế 6, a pơlê kong kân Cần Thơ, pôa Nguyễn Xuân Phúc, Ngế pro xiâm hnê ngăn tơnêi têa [a\ khu kăn pêi cheăng dêi Chin phuh hiăng pêi cheăng [a\ khu kăn pơkuâ dêi pơlê kong kân Cần Thơ ‘na tơdroăng pêi pro hnoăng cheăng rêh ối pơlê pơla.

            Xông tơpui a roh pêi cheăng, Ngế pro xiâm hnê ngăn tơnêi têa khe\n kơdeăn pơlê kong kân Cần Thơ hiăng ai hên mơ-eăm, châ tơ-[rê tung cheăng kâ, ki má lối tung 6 khế poăng hơnăm kố. Ngế pro xiâm hnê ngăn tơnêi têa tối nhên, Cần Thơ kal mơnhông mơdêk tiô troăng cho Tíu xiâm mơnhông mơdêk dêi lâp kơpong tơbăng kroăng Cửu Long. Tung rơxông nếo, pơlê kong kân kal hơ’lêh ó rơdêi tá pêi chiâk deăng, kơmăi kơmok, mơjiâng pro kế tơmeăm khoăng, mơ’no liăn cheăng. Ngế pro xiâm hnê ngăn tơnêi têa pơchân Cần Thơ cho tíu xiâm tơru\m mâu kơpong, xing xoăng mơjiâng pro kế tơmeăm khoăng, pêi pêt kế tơmeăm khoăng ki dâi le\m, kơnâ, pêt kân rơdâ. Cần Thơ kal tơru\m pơla pơlê kong kân tung lâp tơnêi têa [a\ mâu pơlê kong kân tung kơpong châu Á [a\ lâp plâi tơnêi vâ tơru\m mơnhông mơdêk, vâ tê kế tơmeăm khoăng, ki má lối cho hriâm mâu khoa ho\k kơmăi kơmok rơxông nếo tung tơnêi têa [a\ lâp plâi tơnêi. Ngế pro xiâm hnê ngăn tơnêi têa tối rơdêi, pơkâ hnoăng cheăng xiâm dêi pơlê kong kân Cần Thơ drêng kong prâi pro ôh tá tơniăn.

A Sa Ly tơplôu [ă tơbleăng