VOV4.Sêdang - Kơxo lơ 8 khế 6, pôa Nguyễn Xuân Phúc, Ngế pro xiâm hnê ngăn tơnêi têa ai rôh pêi cheăng a kong pơlê Nam Định, tăng troăng hơlâ mơdêk cheăng kâ rêh ối dêi kong pơlê ó rơdêi tâ nếo tung la ngiâ.

A rôh pêi cheăng, Ngế pro xiâm hnê ngăn tơnêi têa mơnhên tối khât kong pơlê Nam Định hiăng mơ-eăm ivá tung mơjiâng thôn pơlê nếo, tê tơmeăm ngi kong têa ê châ 1 rơtal dôlar Mih. Laga, Nam Định xuân ối cho kong pơlê kơtiê, pêi chiâk pêi deăng cho ki xiâm, bu pêi xêh châ 32% kơxo# liăn, u ối cho kơxo# liăn to\ng kum dêi tơnêi têa. Tơdroăng kring gâk kal kí tơniăn, la rak tơniăn a drô troăng prôk tá hâi kơtăng. Sap ing tơdroăng ki ai khât mê, Ngế pro xiâm hnê ngăn tơnêi têa pơchân kong pơlê Nam Định athế tơtro\ng troh kong têa ki tơru\m cheăng mơnhông mơdêk cheăng kâ rêh ối, kong prâi tơnêi tíu cho kal khât. Konh pơlê kal hriăn ngăn tơdâng tơ’mô [ă tối tơbleăng hneăng hôp Đảng rôh má 12, tơku\m tối tơbleăng tơdroăng pơkâ 01 dêi Chin phuh vâ pêi pro tơkâ hluâ túa pơkâ mâu tơdroăng cheăng hơnăm 2016. Tung mê, kal mơdêk ăm mung liăn cheăng, xua nôkố Nam Định ai kơxo# liăn ăm mung iâ, bu châ 19%. Ngế pro xiâm hnê ngăn tơnêi têa xuân hnê môhn kong pơlê Nam Định kal ai tơdroăng pêi pro ki nhên vâ chiâng kong pơlê thôn pơlê rêh ối cheăng kâ tiô túa nếo.

Katarina Nga tơplôu [ă tơbleăng