VOV4.Sêdang - Kơxo lơ 30 khế 6, a tíu pêi cheăng dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pơkuâ hneăng hôp Chin phuh tiah hmâ khế 6. A hneăng hôp, Ngế pro xiâm hnê ngăn tơnêi têa [ă mâu kăn tung Chin phuh tơmâng Kăn xiâm hnê ngăn ‘na luât tối tơbleăng tơdroăng pêi pro tiô tơdroăng mơjiâng luât, luât Chin phuh [ă tơdroăng pơkâ hlá mơ-éa mơnhên chiâng luât, luât sap khế 4 troh khế 6 dêi hơnăm 2016. Tối mâu tơdroăng cheăng dêi rêm Khu xiâm, kơvâ cheăng hiăng hnê nhên khât dêi luât ‘no liăn cheăng ki ‘mâi rơnêu, Luât khu tê mơdró ki ‘mâi hơ’lêh, mê ôh tá chêh ‘mot mâu tơdroăng pơkâ ki ton dêi mâu khu xiâm chêh ‘mot tung tơdroăng pơkâ. Pôa Nguyễn Xuân Phúc, Ngế pro xiâm hnê ngăn tơnêi têa tối rơdêi: kố cho tơdroăng hơ’lêh nếo kal khât vâ tơleăng mơnhên ‘na pêi chiâk deăng, vâ kuăn pơlê [ă mâu khu mơdró tơniăn hnoăng cheăng tê mơdró, châ pêi mâu tơdroăng cheăng ki luât mơdât ôh tá ăm pêi. Hriâm nếo ing mâu tơdroăng cheăng ki lôi hiăng tâi hâi khế pơkâ athế pêi pro tiô luât nếo, pôa Nguyễn Xuân Phúc pơkâ thế mâu khu xiâm pêi pro kơtăng tung hnoăng cheăng mơjiâng luât ki nếo, ôh tá pro pá ‘na tơdroăng pơkâ pêi, kơxo# ki pêi ah lơ chiâng pêi ôh tá tơniăn le\m.

Gương tơplôu [ă tơbleăng