VOV4.Sêdang - Kơxê lơ 7 khế 6, a tíu pêi cheăng dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pin hiăng tơdah pôa Tsutomu Takebe, Kăn hnê mơhno cheăng ki kal dêi Khu tơru\m Kuo#k ho#i pơla Việt Nam [ă Nhuk.

Hâk mơnê roh lăm pôu dêi pôa Tsutomu Takebe, pôa Nguyễn Xuân Phúc, Ngế pro xiâm hnê ngăn tơnêi têa pin kơde\n kheăn hôm khât tơdroăng tơru\m cheăng [ă mâu tơdroăng ki kơdôu mơ-eăm ki pôa Tsutomu Takebe hiăng kum veăng ăm tơnêi têa [ă kuăn pơlê Việt Nam tung hmâu roh thăm ‘mâi mơnhông tơru\m tơrôa pơla Việt Nam [ă Nhuk tung hên kơvâ cheăng, ki má lối cho tơru\m pêi cheăng kâ, hnê mơjiâng kuăn mơngế chiâng rơkê [ă trâm mâ, tơpui tơno pơla kuăn pơlê. Tung mê, ki rơhêng vâ ‘nâi ple\ng, kho\m mơ-eăm mơnhông ‘na tơdroăng tơkêa bro mơjiâng Hngêi trung Đăi hok Việt Nam - Nhuk, cho vâ mơhno ki tơru\m cheăng krá khât pơla péa pâ tơnêi têa. Mơhno hiâm mơno hâk phiô ‘na tơru\m cheăng krá tơniăn ton la ngiâ, trâu rơdâ pơla Việt Nam [ă Nhuk, tung mâu khế hơnăm hiăng hluâ châ pơtối mơnhông mơdêk le\m tơniăn tung rêm kơvâ cheăng, Ngế pro xiâm hnê ngăn mơnhên tối, Việt Nam ngăn kal khât tơdroăng tơru\m cheăng krá tơniăn ton xo\n la ngiâ [ă kong têa Nhuk; tơdrêng amê, hnối loi tơngah tơru\m pơla péa pâ châ pơtối mơnhông mơdêk hên tâ nếo, pro pơxúa ăm péa tơnêi têa, péa hdroâng mơngế [ă kuăn pơlê dêi péa tơnêi têa, veăng kum rak tơniăn ăm tơdroăng hơniâp le\m, krá tơniăn, tơru\m tơrôa [ă mơnhông mơdêk dêi kơpong [ă tung lâp plâi tơnêi.

Nhat Lisa tơplôu [ă tơbleăng