VOV4.Sêdang - Kong măng lơ 7 khế 7, pôa Nguyễn Xuân Phúc, Ngế pro xiâm hnê ngăn tơnêi têa tơdah pôa Lee Hyuk, kăn teăng mâ kong têa Hàn Quốc a Việt Nam.

          A rôh tơdah, pôa Nguyễn Xuân Phúc rơkâu kơ pôa Lee Hyuk châ pôk cho ngế pro kăn teăng mâ Hàn Quốc a Việt Nam tung pơla péa pâ tơnêi têa hiăng vâ po tơbâ 25 hơnăm mơjiâng tơru\m cheăng tơpui kâ a hơnăm 2017, loi tơngah [ă tơdroăng ki rơkê ple\ng dêi tơná, kăn teăng mâ kô pêi klêi hnoăng cheăng ki châ pơcháu, veăng kum mơdêk tơru\m cheăng pơla péa tơnêi têa ai mâu tơdroăng ki hơ’lêh nếo [ă hơ’lêh tung tâi tâng. Ngế pro xiâm hnê ngăn tơnêi têa rơhêng vâ tiah kố péa tơnêi têa pơtối mơdêk tơru\m cheăng kal kí, mơdêk trâm mâ tơpui tơno, trâm mâ khu râ kăn xiâm vâ ‘mâi mơnhông tơdroăng ki loi tơngah ‘na tơdroăng kal kí, pro chiâng tơdroăng ki tơ’lêi hlâu mơdêk tơru\m tung mâu kơvâ cheăng ki ê. Tung pơla Việt Nam dế mơdêk hơ’lêh chêh pro hlá mơ-éa, pro chiâng tơdroăng ki ‘no liăn cheăng tê mơdró tơ’lêi hlâu ăm mâu khu ki ‘no liăn cheăng, Ngế pro xiâm hnê ngăn tơnêi têa rơhêng vâ ai môi tơdroăng ki ‘no liăn cheăng ki nếo dêi Hàn Quốc a Việt Nam tung la ngiâ ah [ă kơmăi kơmok ki rơkê ple\ng, kum tung tơdroăng ki mơnhông mơdêk ăm péa tơnêi têa. {ă tơdroăng ki Việt Nam veăng tơru\m cheăng tung TPP, Ngế pro xiâm hnê ngăn tơnêi têa tối rơdêi, kố cho rôh ki tơ’lêi hlâu drêng mâu khu mơdró kâ Hàn Quốc ‘no liăn cheăng a Việt Nam.

Katarina Nga tơplôu [ă tơbleăng