VOV4.Sêdang - Kơxê hnah, lơ 20 khế 6, a Daklak, Ngế pro xiâm hnê ngăn tơnêi têa pơkuâ hneăng hôp tơpui [a\ mâu kong pơlê kơpong Tây Nguyên ‘na mơnhông mơdêk cheăng kâ – rêh ối pơlê pơla [a\ gâk kring, cheăng lêng kơpong Tây Nguyện.

            Tiô ngăn nôkố, tơdroăng pêi chiâk deăng, pêt kong châ 80%,  hơ’lêh tung tơdroăng cheăng kâ lâp kơpong Tây Nguyên, tơdrêng amê 6 khế apoăng hơnăm kố, mâu kong pơlê kơpong Tây Nguyên trâm kong tô khăng khoăng ton, pro tơdroăng pêi chiâk deăng tro hía 5 rơpâu 400 rơtal liăn. Pêi lo liăn ing tê kế tơmeăm khoăng tơngiâ kong têa ê 6 khế a poăng hơnăm xuân kơdroh a hơnăm má pái pơtối mê. Laga, tơdroăng cheăng kâ Tây Nguyên xuân ai troăng cheăng ki tơtêk châ 6%, hơ’lêh tung pêi chiâk deăng, troăng vâ pêi chiâk deăng cho xúa kơmăi kơmok tung pêi chiâk deăng, tơku\m pêt mâu hdrê loăng plâi ki kơnâ liăn, môi tiah chếi, kơphế, kơchâi drêh, plâi kâ, reăng. ‘Na mơjiâng thôn pơlê nếo, klêi kơ’nâi 5 hơnăm po rơdâ pêi pro, lâp kơpong hiăng mơhnhôk châ 90 rơpâu rơtal liăn. Lâp kơpong ai 80 to cheăm châ râ kong pơlê mơnhên tơtro tiô pơkâ thôn pơlê rêh ối-cheăng kâ tiô túa nếo, ai 1 tơring Đơn Dương dêi kong pơlê Lâm Đồng châ mơnhên tơtro tiô pơkâ thôn pơlê rêh ối-cheăng kâ tiô túa nếo.

            Xông tơpui a hneăng hôp, pôa Nguyễn Xuân Phúc, Ngế pro xiâm hnê ngăn tơnêi têa tối nhên, [a\ mâu kơpong Tây Nguyên, têa [a\ tơnêi kong Tây Nguyên cho tơdroăng ki kal. Pák^ng tơdroăng gâk kring, rak ngăn kong, Ngế pro xiâm hnê ngăn tơnêi têa xuân pơchân tối mâu kong pơlê Tây Nguyên tơmâng troh tơdroăng tơnêi tơníu [a\ tơdroăng pêi chiâk deăng dêi kuăn pơlê; tơmâng troh tơdroăng rêh ối, loi t^ng tiô khôp, ru\m môi tuăn hdroâng kuăn ngo a kong pơlê.

            Ngế pro xiâm hnê ngăn tơnêi têa tối rơdêi kal ai troăng hơlâ vâ mơnhông Tây Nguyên, kal pơkâ túa ki tơtro, vâ Tây Nguyên mơnhông mơdêk. Môi tơdroăng kal ki ê, tơnêi têa pin dế mot tơru\m [a\ lâp plâi tơnêi trâu hơngế, Tây Nguyên mot tơru\m cheăng xua hên kế tơmeăm khoăng tê tơngiâ kong têa ê. Xiâm kối cho mơhnhôk hên khu tê mơdró mơ’no liăn cheăng, vâ kuăn pơlê Tây Nguyên kro mơdro\ng. Xua kal ai túa hnê mơhno tơtro tâ, [a\ ai troăng tơmiât thế pro kro mơdro\ng ing tơnêi dêi tơná.

A Sa Ly tơplôu [a\ tơbleăng