VOV4.Sêdang - Kơxê hnah, lơ 22 khế 2, a pơlê kong kơdrâm Phan Rang – Tháp Chàm, kong pơlê Ninh Thuận, pôa Nguyễn Xuân Phúc, Ngế pro xiâm pho\ hnê ngăn tơnêi têa hiăng ai roh pêi cheăng [a\ khu kăn pơkuâ mâu kong pơlê peăng pá hdroh kơpong tơdế tơnêi têa [a\ peăng mâ hâi lo pá hdroh tơnêi têa ‘na tăng têa tôh klâng chiâk.

            Ngế pro xiâm pho\ hnê ngăn tơnêi têa khe\n kơdeăn tơdroăng hbrâ tơnáu dêi mâu kong pơlê. Pơla kong tô khăng khoăng pơtối ton troh tơdế hơnăm 2016, pôa Nguyễn Xuân Phúc pơkâ thế mâu kong pơlê peăng pá hdroh kơpong tơdế tơnêi têa, Tây Nguyên [a\ peăng mâ hâi lo pá hdroh tơnêi têa pơtối ngăn tơdroăng tăng têa tôh kế tơmeăm khoăng cho hnoăng cheăng kân má môi, kal ai khu cheăng kal kí veăng tung tơdroăng cheăng kố, rak tơniăn tơdroăng rêh ối kuăn pơlê. Pôa Nguyễn Xuân Phúc tối rơdêi: Drêng tơkôm tơnêi têa xing xoăng liăn, mâu kong pơlê kal mung ‘no hdrối kơxo# liăn vâ teăm tơdrêng to\ng kum kuăn pơlê tung kơpong ki kong tô khăng khoăng. Rêm kong pơlê kal thăm pơtâng tối ăm kuăn pơlê ‘nâi tơdroăng kong tô khăng khoăng [a\ xúa têa kơd^ng, ki má lối cho hơ’lêh hdrê pêt ăm tơtro. Mâu kong pơlê kal mơjiâng mâu tíu kơdoăng têa drêng ai kong mêi, vâ bê têa tôh drêng kong tô mơdrăng ton. Pôa Nguyễn Xuân Phúc xuân pơkâ khu râ kăn pơkuâ Đảng kong pơlê, Vi[an mâu kong pơlê peăng pá hdroh kơpong tơdế tơnêi têa, Tây Nguyên [a\ peăng mâ hâi lo pá hdroh tơnêi têa thăm pro kơhnâ khât tung hnê mơhno tối tăng têa tôh kế tơmeăm tung rơnó tô, kơdroh tro lu\p ăm mâu kong pơlê.

A Sa Ly tơplôu [a\ tơbleăng