VOV4.Sêdang - Kơxê hnah, lơ 22 khế 12, a tíu pêi cheăng dêi Chin phuh, pôa Nguyễn Xuân Phúc, Ngế pro xiâm pho\ hnê ngăn tơnêi têa pơkuâ xiâm hneăng hôp pêi pro Luât hbrâ mơdât kâ kơhveăm hbrâ ăm hneăng hôp kân lâp tơnêi têa.

A chôu phut hôp mê, pôa Nguyễn Xuân Phúc, Kăn xiâm hnê mơhno hiăng mơnhên tối, [ă mơnhên tơdroăng hôm khât tung tối tơbleăng ‘na tơdroăng cheăng mơgêi 10 hơnăm rak vế, pêi pro Luât hbrâ mơdât kâ kơhveăm; pâ thế Khu xiâm hnê mơhno hnê tối [ă seá ngăn mâu khu pơkuâ cheăng râ kơdâm kal athế pêi cheăng kơhnâ pêi [ă hnoăng cheăng tơná tiô tơdroăng ki hiăng pơcháu. Klêi kơ’nâi seá mơnhên ngăn, hiăng hlo ai mâu tơdroăng ki pêi pro tung pơla mơgêi mâu hnoăng cheăng dêi khu xiâm pơkuâ ngăn, mâu râ, kơvâ cheăng, mâu kong pơlê, pơlê kong kân. Maluâ ti mê, pôa Nguyễn Xuân Phúc xuân hiăng tối nhên mâu tơdroăng ki ối ‘ro, tá hâi pêi pro klêi [ă hnê tối pêi pro tiô hnoăng cheăng ki nếo, kal athế ‘mâi hơ’lêh. Mê cho, ai mâu tíu ki ‘nâ pơkâ pêi pro tá hâi teăm tơdrăng tro ‘ló khât, tá hâi teăm mơhno\ng vâ pêi pro tro tiô tơdroăng tơná hiăng tơche#ng, lơ pêi pro lá ối hrá, tá hâi teăm ‘nâi ple\ng nhên tơdroăng cheăng pơkâ dêi Khu xiâm hnê mơhno [ă hnoăng cheăng ki kố. Ki dâi khât dêi mâu hlá tơbeăng tối tung mơgêi hnoăng cheăng dêi mâu khu xiâm, kơvâ cheăng ối ‘ro, tá hâi teăm trâu rơdâ, tá hâi teăm ai veăng kum vâ hơ’lêh tơdroăng cheăng ki rak vế pêi pro tiô troăng hơlâ dêi luât ki hiăng pơkâ, ing mê, vâ choâ ‘lâng mơdât mâu tơdroăng ki kâ kơhveăm liăn ngân kế tơmeăm.