VOV4.Sêdang - Kơxo lơ 13 khế 4, poâ Nguyễn Xuân Phúc, kăn cheăng tung tíu xiâm tơdroăng kal kí, Ngế pro xiâm pho\ hnê ngăn tơnêi têa pơkuâ djâ khu kăn pêi hnoăng cheăng dêi Tíu xiâm tơnêi têa lăm séa ngăn hnoăng cheăng hbrâ mơdât mâu ngế ki pro xôi [ă hnối hơ’lêh tơdroăng ki chêh pro hla mơéa a pơlê krâm Ngô Quyền, pơlê kong kân Hải Phòng. Xông tơpui a rôh pêi cheăng, poâ Nguyễn Xuân Phúc pơkâ thế mâu khu kăn pơkuâ a pơlê krâm Ngô Quyền pơtối mơdêk hnoăng cheăng ki hơ’lêh chêh bro hla mơ-éa tung tuăn hiâm ki thế tơmâng, kum kuăn pơlê, rak vế hnoăng cheăng ki pơxúa ăm kuăn pơlê [ă khu mơdró kâ, vâ pro tơ’lêi hlâu ăm tơdroăng ki ‘no liăn cheăng, veăng kum mơdêk tơdroăng ki mơdró kâ [ă mơjiâng pro kế tơmeăm. ‘Na hnoăng cheăng hbrâ mơdât mâu ngế ki pro xôi, poâ Nguyễn Xuân Phúc tối nhên: Mâu khu xiâm pơkuâ cheăng dêi pơlê kong kân Hải Phòng athế séa ngăn pêi pro kơtăng tơdroăng pơkâ 48 dêi Khu xiâm pơkuâ tơdroăng kal kí, tá troăng rơhlâ kal kí, athế pêi pro nhên hnoăng cheăng ki ngế pơkuâ cheăng, tíu ki lâi hlo ai tơdroăng ki ai mâu ngế pro xôi mê ngế ki pơkuâ môi tiah kăn pơkuâ ngăn Đảng, kăn hnê ngăn, kăn pơkuâ ko\ng an athế pôu râng dêi hnoăng cheăng a ngiâ Ngế pro xiâm hnê ngăn Chin phuh, thăm nếo hnối a thế pơtê cheăng.

Katarina Nga tơplôu