VOV4.Sêdang - Kơxê lơ 16 khế 8, a tíu pêi cheăng dêi Chin phuh, pôa Nguyễn Xuân Phúc, Ngế pro xiâm hnê ngăn tơnêi têa hiăng trâm mâu ngế ki tơ’noăng, mâu ngế ki hnê tơ’noăng tung Khu tơ’noăng Ivá Việt Nam veăng lăm tơ’noăng lâp plâi tơnêi Olympic hơnăm 2016. Tung mê, ai ngoh Hoàng Xuân Vinh, ngế ki pe\ng hơnêa hyôh rơkê má môi, châ kâ mê dái mêa [ă môi to mê dai hâu, ai hnoăng kân ăm hneăng tơ’noăng ivá dêi tơnêi têa. A chôu phut trâm mâ mê, pôa Nguyễn Xuân Phúc tối rơdêi, hnoăng cheăng dêi khu tơ’noăng ivá Việt Nam a roh tơ’noăng ivá lâp plâi tơnêi Olympic Rio hơnăm 2016 pơtroh tơdroăng ki hơniâp ro, tơdroăng hâk tơngăm ăm kơvâ tơ’noăng ivá Việt Nam. Hnoăng ki châ kâ mê dái mêa dêi ngoh Hòang Xuân Vinh xuân cho hnoăng cheăng tơchuâm dêi khu tơ’noăng ivá Việt Nam. Kố cho ivá ki kân k^n vâ khu tơ’noăng ivá Việt Nam pơtối châ mơnhông mơdêk, thăm rế rơkê vâ châ kâ pri ki kân tâ tung la ngiâ ah. A chôu phut trâm mâ mê, pôa Nguyễn Xuân Phúc hiăng diâp Mê dái Pêi cheăng rơkê má môi ăm Đăi tă Hòang Xuân Vinh; diâp Mê dái Pêi cheăng rơkê má péa ăm jâ Nguyễn Thị Nhung, cho cô ki hnê tơdroăng pe\ng hơnêa hyôh Việt Nam, [ă diâp Mê dái Nho\ng o ăm pôa Park Chung Gun, ngế ki hriăn rơkê pe\ng hơnêa dêi Hàn Quốc.

Nhat Lisa tơplôu [ă tơbleăng