VOV4.Sêdang - Kơxê lơ 13/8, tiô tơdroăng pơkâ thế dêi peăng Nhuk, pôa Phạm Minh Chính, Ngế pro xiâm hnê ngăn Chin phuh hiăng tơdah pôa Yamada Takio, kăn teăng mâ Nhuk a Việt Nam. A rôh tơdah, pôa Phạm Minh Chính tối nhên Chin phuh, mâu khu xiâm, kơvâ cheăng ƀă kong pơlê dêi Việt Nam hiăng, dế ƀă pơtối rơtế pêi pro mâu troăng hơlâ ki tro má môi mơni kô chiâng vâ tŏng kum khu mơdró kâ kong têa ê, tung mê, ai khu mơdró kâ Nhuk ‘mâi rơnêu tơdroăng xơpá, rak vế mơjiâng pro kế tơmeăm tơdroăng ki tê mơdró kế tơmeăm.

Pôa Phạm Minh Chính, Ngế pro xiâm hnê ngăn Chin phuh tơdah kăn teăng mâ Nhuk 

Tung pơla pơreăng pơtối ôh tá tơniăn môi tiah nôkố, pôa Phạm Minh Chính pơkâ thế pôa Yamada kăn teăng mâ pâ thế kơ Chin phuh mâu kơ koan ki ai tơdjâk dêi Nhuk pơtối tŏng kum vaccine ăm Việt Nam; mơdêk tơrŭm mơjiâng pro ƀă hnê tối kơmăi kơmok pro vaccine ƀă pơkeăng pơlât COVID-19 ăm Việt Nam.

Katarina Nga tơplôu [ă tơbleăng