VOV4.Sêdang -Pôa Phạm Minh Chính, Ngế pro xiâm hnê ngăn Chin phuh hiăng krếo phôn kơ pôa Andrej Babis, Ngế pro xiâm hnê ngăn kong têa Kŏng hòa Czëch vâ tơpui tơno ‘na tơrŭm pơla péa pâ, tơpui hên mâu tơdroăng tơrŭm tung hbrâ mơdât COVID-19. Pôa Phạm Minh Chính mơnê kơ pôa Andrej Babis ƀă Chin phuh Czëch hiăng pơkâ ăm Việt Nam 250 rơpâu klŏng vaccine hbrâ mơdât COVID-19, tối kố cho tơdroăng veăng kum teăm tơdrêng, kơnía khât vâ mơhno ki tơrŭm tiah hmâ ki lĕm pơla péa tơnêi têa.

Ngế pro xiâm hnê ngăn tơnêi têa thế Chin phuh Czëch kum ahdrối ăm Việt Nam kơxô̆ vaccine ki Czëch hâi xúa dêi, kum Việt Nam châ ai vaccine ki ê hên má môi, rĕng má môi tâng châ; xuân môi tiah kum mâu tơmeăm vâ khăm pơlât. Péa ngế pro xiâm hnê ngăn tơnêi têa tơpui tơno ‘na troăng rơhlâ mơdêk tơrŭm tiô hmâ ƀă tơrŭm hên tơdroăng cheăng pơla Việt Nam - Czëch mơnhông tơ-brê tâ tung la ngiâ ah.

Gương tơplôu ƀă tơbleăng