VOV4.Sêdang - Kơxo lơ 26/8, pôa Phạm Minh Chính, Ngế pro xiâm hnê ngăn tơnêi têa hiăng troh séa ngăn mâu tíu klâ kơtăn râ cheăm bêng ăm F0 ƀă F1 a Thủ Đức, Pơlê kong kân Hồ Chí Minh. Ngế pro xiâm hnê ngăn tơnêi têa lăm pôu tíu rêh ối pơlê pơla ki pro tơdrêng a Hngêi mơhno túa lĕm tro bêng Cát Lái. Tiô pôa Nguyễn Minh Điền, Kăn hnê ngăn bêng Cát Lái, bêng ai 47 tôh kơphô̆, lối 6.000 rơpŏng kuăn pơlê rơpŏng hngêi. Tăng lối 400 ngế pêi cheăng vâ tơniăn ‘na kế kâ, lăm kơchơ kum.

Mâu rơpŏng vâ chê kơtiê hiăng kum 3 hdroh, rêm hdroh 1,5 rơtuh liăn, nôkố bêng ối 2 kơpong mơdât prôk lăm. Klêi tâng tối tơbleăng a bêng Cát Lái, Ngế pro xiâm hnê ngăn tơnêi têa thế tung pơla pơlê kong kân klâ kơtăn thế mơdoh hâi chôu vâ khăm ngăn tăng vâ ‘nâi hôm ai ngế F0, pakĭng mê,   thế pro tơniăn tơdroăng rêh ối pơlê pơla. Kuăn pơlê thế châ rĕng pêi pro. Ngế pro xiâm hnê ngăn tơnêi têa tối nhên, thế mơjiâng tơdrêng tíu pơkuâ, hngêi pơkeăng lăm ki lăm pơlât ukố umê, ôh tá xê to pơreăng COVID mê  ối ai tá pơreăng ki ê nếo.

Ngế pro xiâm hnê ngăn tơnêi têa séa ngăn tơdrong tơniăn rêh ối mê cho kế kâ, pơkeăng pơlât, kô ăm mâu kuăn pơlê 3 hâi 1 hdroh. Ngế pro xiâm hnê ngăn tơnêi tea thế bêng hbrâ ăm kuăn pơlê ôh tá xê 1 măng tĭng mê ton tâ ki mê nếo vâ tơniăn môi tiah tơdroăng púi vâ drêng ăm klâ krê.

Gương tơplôu ƀă tơbleăng