VOV4.Sêdang - Kơxo lơ 27/8, pôa Phạm Minh Chính, Ngế pro xiâm hnê ngăn tơnêi têa, Ngế pơkuâ Khu hnê mơhno tơdroăng cheăng hbrâ mơdât pơreăng  COVID-19 rơtế ƀă mâu khu kăn cheăng dêi Chin phuh hiăng troh lăm pôu, hơlêm mơhnhôk Đảng ƀộ, mâu kăn ƀă kuăn pơlê kong pơlê Bình Dương, tí tăng ngăn, hnê mơhno tơdroăng hbrâ mơdât pơreăng tiô tơdroăng pơkâ troh tơrêm tíu, mâ hlo tuăn tâng tơdroăng plâ mơdât pơreăng vâ tơniăn ‘na tơdroăng rêh ối dêi kuăn pơlê a cheăm bêng.

Hneăng lăm pôu pêi cheăng vâ tối nhên tơdroăng tơbleăng thế klâ kơtăn pơlê pơla ƀă mâu tơdroăng pơkâ hbrâ mơdât pơreăng COVID-19 tung kong pơlê Bình Dương riân sap hâi lơ 23/8, tung mê tơkŭm séa ngăn, tí tăng ngăn, mơdêk, mơhnhôk mâu cheăm, bêng mơ-eăm rak vế  tơdroăng hbrâ mơdât pơreăng. 

Klêi séa ngăn, lăm ngăn a mâu tíu xiâm plâ mơdât pơreăng ƀă mâu kong pơlê tơring cheăm bêng, Ngế pro xiâm hnê ngăn tơnêi têa hiăng ai rôh pêi cheăng ƀă mâu kăn kong pơlê Bình Dương, Ngế pro xiâm hnê ngăn tơnêi têa thế troh lơ 15/9 Bình Dương thế mơ-eăm ăm tơdroăng rêh ối dêi kuăn pơlê vêh tiah hmâ nếo.

Gương tơplôu ƀă tơbleăng