VOV4.Sêdang - Hâi lơ 25/8/2021, a Tíu pêi cheăng Chin phuh, pôa Phạm Minh Chính, Ngế pro xiâm hnê ngăn Chin phuh hiăng tơdah jâ Kamala Harris Kăn xiâm phŏ pơkuâ kong têa Mih dế lăm pôu pêi cheăng Việt Nam. Hneăng trâm mâ tơpui tơno ‘na mâu tơdroăng ki nhên mơdêk tơrŭm cheăng pơla péa pâ, pôa Phạm Minh Chính tối nhên Việt Nam nhoăm tơdroăng cheăng kâ tê mơdró  cho ki xiâm  ƀă mơhnhôk tơrŭm cheăng pơla Việt Nam - Mih; pâ thế péa pâ pơtối mơdêk tơrŭm tung tơdroăng kĭ tơhrâ ‘na tê mơdró  ƀă ‘no liăn cheăng (TIFA) hlối séa ngăn tơdroăng vâ mơjiâng khu tơrŭm cheăng kâ - tê mơdró ki nếo vâ mơdêk tâ nếo tơdroăng tơrŭm tê mơdró tơtro, krá tơniăn.

Tối mâu tơdroăng veăng hnê tối dêi pôa Phạm Minh Chính, jâ Kamala Harris khĕn kơdeăn khât mâu tơdroăng kơdôu mơ-eăm dêi Chin phuh Việt Nam tung tơdroăng hbrâ mơdât COVID-19, hlối tối Mih kô pơtối veăng kum vâ Việt Nam kâi hbrâ mơdât pơreăng kân COVID-19  ƀă mâu tơdroăng ki rơ iô ‘na pơreăng tung la ngiâ, pơtối pôi tá pơtê tơdroăng ki veăng kum tung lâp plâi  tơnêi.

Kăn xiâm phŏ pơkuâ kong têa Mih tối tơbleăng Mih pơtối veăng kum Việt Nam 1 rơtuh klŏng vaccine Pfizer ƀă kô pơtroh ăm Việt Nam tung pơla 24 chôu la ngiâ.

Gương tơplôu ƀă tơbleăng