VOV4.Sêdang - Kơxo lơ 29/7, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnei têa hiăng tơdah pôa Orlando Nicolás Hernández Guillén, Kăn teăng mâ kong têa Cuba koh tơpui tơno. A rôh trâm mâ, tung chôu phut hôp, tơpui tơno tơdrăng, pôa Phạm Minh Chính rơkâu kơ pôa  pôa Orlando Nicolás Hernández Guillén hiăng pơtroh kơthô ăm Kăn xiâm hnê ngăn tơnêi têa a hai lơ 13/7 ƀă hlối tối Chin phuh kô tơmâng hnê mơhno ăm mâu Khu xiâm, kơvâ cheăng veăng kum, pro tơ’lêi hlâu vâ Kăn teăng mâ pê klêi hnoăng cheăng pơcháu a Việt Nam.

Hneăng hôp tơdah

Pôa Phạm Minh Chính tối nhên, Việt Nam nhoăm tơdroăng tơrŭm cheăng ƀă Cuba, châ pôa Hồ Chí Minh, Kăn xiâm hnê ngăn tơnêi têa hneăng hdrối nah ƀă pôa Fidel Castro, Kăn xiâm hnê ngăn kong têa Cuba hneăng hdrối  pro xiâm tơrŭm ƀă hên rơxông mâu kăn, kuăn pơlê péa tơnêi têa ôh tá la lâi pơtê, thăm tơrŭm krá khât ƀă kum dêi rơpó tung lối 60 hơnăm hdrối nah. Malối tung pơla achê kố, Khu xiâm, kơvâ cheăng péa tơnêi têa hiăng mơ-eăm tơkâ luâ tơdroăng pá puât, pơloăng mơnúa xua pơreăng kân COVID-19 ƀă ôh tá pơtê mơ-eăm, mơnhông tơrŭm cheăng tung tŭm tơdroăng.

Gương tơplôu ƀă tơbleăng