VOV4.Xơ Đăng - Kơxê lơ 5/1, pôa Tô Lâm, Ngế xiâm pơkuâ Kŏng an pơkuâ djâ khu kăn Kŏng an Việt Nam veăng hôp to Khu râ kăn xiâm tơrŭm cheăng pơla 3 to kong têa Việt Nam - Lếo - Kul. A hneăng hôp, pôa Tô Lâm vâ môi tuăn ƀă tơdroăng pơkâ tơrŭm cheăng lêng - kring vế tơniăn cho “xiâm’’ tung tơdroăng tơrŭm cheăng pơla 3 to kong têa, tối kô rak vế tro luât pơkâ ôh tá ăm phêp, mâu ngế ki lâi, khu ki lâi xúa dêi kong têa tơná vâ pro tơ‘nhiê ƀă lơ veăng tơmâng mâu tơdroăng tung kong têa ki ê.

Mơgêi hneăng hôp, mâu Ngế xiâm pơkuâ mê hiăng kĭ tung hlá mơ-éa Tơbleăng tơchoâm Hneăng hôp Mâu Ngế xiâm pơla Việt Nam - Lếo - Kul ‘na tơrŭm cheăng hbrâ mơdât mâu ki xôi roh má pái. Tung mê, ai tối tơdroăng tơhrâ mơdêk tơrŭm cheăng kring vế tơniăn pơla rêm pâ ƀă pái pâ tơtro ƀă tơdroăng ki ai chêh tung hlá mơ-eá Pơkâ tơrŭm cheăng pơla rêm pâ rêm hơnăm ki hiăng kĭ achê kố ƀă Hlá mơ-éa chêh tơrŭm cheăng péa pâ pơla Pái Ngế xiâm  pơkuâ.

Gương tơplôu ƀă tơbleăng